Tlamachtilmej para Toteki akinmej tikchiuaj ken Cristo
© 2023 Watch Tower Bible and Tract Society of Pennsylvania
6-12 DE NOVIEMBRE
KEN TECHPALEUIA BIBLIA | JOB 13-14
“Tla se tlakatl ixpoliui, ¿uelis oksepa yoltos?”
w99-S 15/10 pág. 3 párrs. 1-3
Kitemouaj tlen techpaleuis para okachi miak xiuitl matiyoltokan
AXKAN miakej kimatij tejuan amo uejkika tiyoltokej maski nin tlamantli okijkuilojkej yikanaj tres mil quinientos xiuitl. Tinochtin tiknekij nochipa tiyoltoskej ikinon amo tiknekij tikokoxkatiskej nion tiixpoliuiskej. Miakej kitemouaj tlen uelis techpaleuis matiyoltokan miak xiuitl.
Ijkuak okatka Job, akinmej ochantiayaj Egipto okinkuayaj intestículos yolkamej porque omokuayejyekouayaj ijkon amo kokoxkatiskiaj. Akinmej okineltokayaj alquimia okichijkej se pajtli tlen kinpaleuiskia mayoltokan miak xiuitl. Yejuan okineltokayaj oro tlen san okichijchiuayaj kinpaleuiskia amo maixpoliuikan ikinon otlakuayaj ijtik platos tlen okinchijkej ika oro. Ijkon miak xiuitl yoltoskiaj. Noijki chinos tlen yiuejkika okatkaj okineltokayaj taoísmo. Yejuan okineltokayaj nochipa yoltoskiaj tla kitemoskiaj ken mokuayejyekoskiaj, ken mijyotiskiaj uan tlen kikuaskiaj.
Miakej okixmatiayaj se tlakatl tlen omotokayotiaya Juan Ponce de León porque ye omochijchika kitemos tlen techpaleuis amo matikokoxkatikan. Noijki se tepajti tlen okatka siglo 18 itlaj okijto itech iamoch tlen itoka Hermippus Redivivus. Ye okijto makinkaltsakuakan sekimej ichpochmej itech se cuarto tsikitsin uan inmijyo makololokan inmijtik botellas. Non kinpaleuiskia oksekimej mayoltokan miak xiuitl.
w15-S 15/4 pág. 32 párrs. 1, 2
¿Uelis oksepa selias kouitl tla kitsontekiskej?
UEJKAPAN moskaltia kouitl tlen motokayotia cedro del Líbano. Pero olivoskouitl amo okachi uejkapan moskaltia. Amo san niman posteki uan uelis selistos kanaj mil xiuitl. Ineluayo non kouitl uejueyij uan sapanoua tlaxikoua. Tla kitsontekiskej uelis oksepa selias tla ineluayo selistok.
Nin tlamantli techmachtia itlaj miak ipati tlen okijto Job (Job 14:13-15). Ijkuak okijto se kouitl uelis oksepa selias xamo okijtojtoka tlen kipanoua olivoskouitl. Ye okijto uelis oksepa selias maski kitsontekiskej. Noijki uelis oksepa selias ijkuak kiaui maski yetos kanin tlauaki (Job 14:7-9).
w11-S 1/3 pág. 22 párr. 5
“Tiknekis tikitas tlen otikchijchi ika momauan”
Nin texto techmachtia Jehová kintlasojtla akinmej kichiuaj ijkon ken Job uan kikauiliaj makinyekana (Isaías 64:8). Jehová kintlasojtla itekipanojkauan tlen amo kikauaj uan kineki kinmitas akinmej yoixpolikej. Se ixtlamatki kijtoua tlen kijtosneki tlajtoli “kineki” tlen kajki ika hebreo. Ye okijto: “Nin tlajtoli kijtoskej ikaj tlen sapanoua kineki ikaj kitas”. Nin techititia Jehová amo san kimatok sekimej itekipanojkauan yoixpolikej. Ye oksepa kineki kinmitas porque sapanoua kinmilnamiktok.
Matiktemokan ken techpaleuia Biblia
it-1-S pág. 461
Tlikonextli
Tlikonextli kijtosneki itlaj tlen amo kipia ipati. Abrahán okijto ixpan Jehová ye okatka tlalpinoli uan tlikonextli (Gén. 18:27; noijki xikita Is. 44:20; Job 30:19). Noijki Job okijto akinmej amo okiyolchikajkej okatkaj ijkon ken tlikonextli (Job 13:12).
13-19 DE NOVIEMBRE
KEN TECHPALEUIA BIBLIA | JOB 15-17
“Amo matiteyolchikauakan ijkon ken Elifaz okichi”
Matikneltokakan tikseliskej tlen Jehová yokijto techmakas
10 Casco tlen moneskayotia ika tlen tikneltokaj tikseliskej techpaleuia amo matimokuayejyekokan amo tikyolpaktiskej Jehová. Xamo ikaj mokuayejyekoua: “Ne amo nikneltoka uelis niyoltos nochipa, amo niyolkuali uan amo uelis nikchiuas ken sekimej itekipanojkauan toTajtsin Dios”. Matikilnamikikan tlen okijto Elifaz ijkuak omotlapoui iuan Job. Ye okijto: “¿Ken uelis yetos se tlakatl chipauak […]?”. Noijki okijto: “ToTajtsin Dios amo kinneltokilia akinmej santos nion ixpan amo chipauak tlen kajki iluikak” (Job 15:14, 15). Satanás kineki ijkon matimokuayejyekokan uan tla ijkon tikchiuaj, ye kimati ayakmo tikneltokaskej tikseliskej tlen Jehová yokijto pero tejuan matikneltokakan ye melauak kichiuas tlen kijtoua. Nochipa matikneltokakan Jehová kineki matiyoltokan nochipa uan ye techpaleuis (1 Tim. 2:3, 4).
Ma titeiknomatikan uan ma tiyetokan tiyolyamankej ken Jesús
16 Noijki tikteititiaj titeiknomatij ika tlen tikijtoaj. Biblia techiluia ma tikinyolseuikan akinmej moyolkokoaj noso itlaj kintekipachoa (1 Tesalonicenses 5:14). ¿Tlen uelis tikinmiluiskej? Uelis tikinmiluiskej intech timotekipachoaj. Noijki uelis tikinpaleuiskej ma kitakan kuali inyelis tlen kipiaj uan uelis tikinmiluiskej kuali tlen kichiuaj. Uelis tikinmiluiskej katej itech tlanechikol pampa Jehová kinpatioita (Juan 6:44). Uelis tikinmiluiskej Jehová melauak motekipachoa itech itekipanojkauan “akimeh mosotlawah” uan moyolkokoaj (2 Corintios 7:6). Tlen tikijtoaj uelis kinyolseuis akinmej sapanoa moyolkokoaj (Proverbios 16:24).
Matiktemokan ken techpaleuia Biblia
w06-S 15/3 pág. 14 párr. 11
Tlen okachi ipati omotlajtolti itech amochtli Job
7:9, 10; 10:21; 16:22. ¿Kiteititiaj ninmej textos Job amo okineltokaya kinyolitiskej akinmej yoixpolikej? Tlen okijto Job okiteititi tlen san niman kipanoskia. ¿Tlen kijtosneki nin tlamantli? Xamo ye okinekiaya kijtos tla ixpoliuiskia ayakmo oksepa kitaskiaj akinmej okixmatiayaj. Yejuan omokuayejyekouayaj ayakmo mokopaskia ikalijtik uan amikaj kixmatiskia hasta ijkuak toTajtsin Dios kinekiskia. Xamo Job okinekiaya kijtos amikaj uelis kisas iselti kanin toktok. Job 14:13-15 techititia Job okineltokaya satepan kinyolitiskej akinmej yoixpolikej.
20-26 DE NOVIEMBRE
KEN TECHPALEUIA BIBLIA | JOB 18-19
“Amo keman matikinkauakan tokniuan”
¿Tlen techmachtia ijkuak Jesús ochokak?
9 Uelis tikinyolseuis akinmej moyolkokouaj. Jesús amo san ochokak iuan Marta uan María, ye okinkak ken omomachiliayaj uan okinyolseui. Tejuan noijki uelis tikinyolseuiskej akinmej moyolkokouaj porque oixpoliuik ikaj akin okitlasojtlayaj. Se tlayekanki tlen itoka Dan uan chanti Australia okijto: “Ijkuak oixpoliuik nosiua oniknekiaya ikaj ma nechpaleui. Miakej tokniuan iuan insiuauan san tlen hora onechkakiayaj, amo onikinkuejsouaya ijkuak onichokaya. Ijkuak onisotlauaya yejuan onechpaleuiayaj. Okichipauayaj nocarro, onechtlakouiayaj uan otlakualchiuayaj. Yejuan miak uelta nouan omotlatlaujtijkej, okiteititijkej melauak okatkaj nokniuan uan noyolikniuan porque onechpaleuijkej ijkuak onimoyolkokouaya” (Prov. 17:17).
Ijkuak se tofamiliar ayakmo kitekichiuilia Jehová
16 Ma tikinpaleuijtokan tokniuan tlen kitlakamatij Jehová. Moneki tikintlasojtlaskej uan tikinyolchikauaskej (Heb. 10:24, 25). Ualeua oksekimej ayakmo kintlapouiaj tokniuan tlen kipiaj se infamiliar tlen okikixtijkej itech tlanechikol. ¡Amo keman ijkon ma tikinchiuilikan! Tla okinkixtijkej intajtsin noso inantsin telpokamej uan ichpokamej, tejuan moneki tikinyolchikauaskej. Se tokni tlen itoka María okijto tlen opanok ijkuak inamik okikixtijkej itech tlanechikol uan okinkajtej, ye okijto: “Sekimej tokniuan otechtlajpalokoj, nouan otlakualchijkej uan onechpaleuijkej ma nikinmachti nokoneuan. Onechajsikamatkej onitlajyouijtoka uan nouan ochokakej. Noijki onechpaleuijkej ijkuak oksekimej onechtenejkej. Tokniuan sapanoua onechyolchikajkej” (Rom. 12:13, 15).
w90-S 1/9 pág. 22 párr. 20
¿San niman tikijtoua tlen panos?
20 Tlayekankej moneki kajsikamatiskej se tokni uelis moyolkokos tla ayakmo yetos tlayekanki noso siervo ministerial maski ye kijtos ayakmo uelis kichiuas non tekitl. Tla non tokni amo okikixtijkej itech tlanechikol, tlayekankej uelis kiyolchikauaskej tla kitaj moyolkokoua (1 Tesalonicenses 5:14). Moneki kipaleuiskej makajsikamati ye uelis tlapaleuis kanin monechikoua. Tla se tokni amo moueyineki uan motlasojkamati maski okiyektlapouijkej, xamo amo uejkauas oksepa kiluiskej matlapaleui kanin monechikoua.
Matiktemokan ken techpaleuia Biblia
w94-S 1/10 pág. 32
Tikinyolchikauaj oksekimej ijkuak tikinyektlapouiaj
Elifaz uan oksekimej tlakamej amo okiyektlapouijkej Job ijkuak omoyolkokouaya. Yejuan okitlajtlakoltijkej tlen okipanotoka uan okijtojkej itlaj san ichtaka okichi (Job 4:8). Se libro tlen itoka Interpreter’s Bible, kijtoua: “Job okinekiaya ikaj makiyolchikaua. Pero tlakamej san okiluijkej miak tlamantli tlen omokuayejyekouayaj kualtsin omokakiaya uan omokuayejyekouayaj melauak tlen okiluijkej”. Job sapanoua okiyolkoko tlen okiluijkej Elifaz uan oksekimej tlakamej, ikinon okijto: “¿Hasta keman nantechkuejsojtoskej uan nantechyolkokoskej ika namotlajtol?” (Job 19:2).
Amo keman matikyolkokokan se tokni porque amo tikyektlapouiaj (noijki xikita Deuteronomio 24:15). Biblia kijtoua: “Tlen tikijtouaj uelis kichiuas matiyoltokan noso matiixpoliuikan. Akin amo kimaluia tlen kijtoua, tlajyouis” (Proverbios 18:21).
27 DE NOVIEMBRE- 3 DE DICIEMBRE
KEN TECHPALEUIA BIBLIA | JOB 20-21
“Amo moneki tikpiaskej miak tlamantli para tiyetoskej tiyolkualmej”
w07-S 1/8 pág. 29 párr. 12
¿Tiktemouaj tlen toTajtsin Dios kipatioita?
12 Jesús okijto ome tlamantli ijkuak otlanki okijto se neskayotl. Ye okijto uelis tiktemoskej tlen toTajtsin Dios kipatioita noso tiktemoskej miak tlamantli. Jesús okijto amo matimochijchikauakan tiktemoskej miak tlamantli. Pero uelis timopaleuiskej ika non tlamantli para timouikaskej iuan Jehová. Non techpaleuis matiktemokan tlen toTajtsin Dios kipatioita. Ijkon tikkauiliskej matechteochiua porque Biblia kijtoua: “Itlateochiualis Jehová non tlen okachi tlapaleuia uan ye amo tetlajyouiltia” (Proverbios 10:22).
Matiktemokan ken techpaleuia Biblia
w95-S 1/1 pág. 9 párr. 19
Amo matikchiuakan tlen Satanás kineki
19 Job okitekipachouaya tlen Satanás okichi makiluikan Elifaz uan Zofar (Job 4:13-18; 20:2, 3). Ikinon Job sapanoua omoyolkoko uan opejki kijtoua tlen amo kuali (Job 6:2-4; 30:15, 16). Elihú kuali okikak tlen okijto Job uan okipaleui mamokuayejyeko ijkon ken Jehová porque ye nochi kimati. Axkan tlayekankej noijki kinmajsikamatij akinmej moyolkokouaj uan amo kintlajyouiltiaj. Yejuan kuali kinkakij ijkon ken okichi Elihú uan kinpaleuiaj ika iTlajtol toTajtsin Dios (Job 33:1-3, 7; Santiago 5:13-15). Tokniuan uelis kinpaleuiskej ika iTlajtol toTajtsin Dios akinmej kintekipachoua tlen kitemikij noso motekipachouaj porque itlaj okinpanok ijkuak okatkaj konemej (Job 7:14; Santiago 4:7).
4-10 DE DICIEMBRE
KEN TECHPALEUIA BIBLIA | JOB 22-24
“¿Uelis toTajtsin Dios kitekitiltis se tlakatl?”
w05-S 15/9 pág. 27 párrs. 1-3
Amo matimokuayejyekokan tlen uelis techijtlakos
Miakej mokuayejyekouaj toTajtsin Dios kineki matikchiuakan tlen amo tiuelij uan ixpan amitlaj topati. Ijkuak eyi uelta otlajto Elifaz, okijto: “¿Uelis toTajtsin Dios kitekitiltis se tlakatl? ¿Uelis kipaleuis akin ixtlamatki?” (Job 22:2). Elifaz okijto ixpan toTajtsin Dios amitlaj topati. Bildad noijki ijkon omokuayejyekouaya porque okijto: “¿Ken uelis yetos se tlakatl yolmelauak ixpan toTajtsin Dios noso akin oneski itech siuatl ken uelis yetos chipauak?” (Job 25:4). Yejuan okinekiayaj Job mamokuayejyeko toTajtsin Dios amo uelis kitaskia yolkuali.
Axkan miakej noijki mokuayejyekouaj amitlaj inpati. Ijkon mokuayejyekouaj porque amo kuali okinmiskaltijkej, kinpanoua miak tlamantli, kinkokoliaj uan kinchikoitaj. Pero Satanás iuan iejekauan noijki kinekij ijkon matimokuayejyekokan. Okachi moyolkokoua akin kichiuaj mamokuayejyeko amitlaj ipati ixpan toTajtsin Dios. Akin ijkon mokuayejyekoua xamo ayakmo kitekichiuilis toTajtsin Dios (Hebreos 2:1; 3:12).
Akinmej mokokouaj noso yikipiaj miak xiuitl ayakmo ueli kichiuaj miak tlamantli. Xamo ayakmo tetlapouiaj ijkon ken ijkuak okatkaj chijchikauakej uan amo kanaj okinkokouaya. Miak ipati matikilnamiktokan Satanás uan iejekauan kinekij matimokuayejyekokan amo uelis tikyolpaktiskej toTajtsin Dios. Pero matimochijchikauakan amo ijkon matimokuayejyekokan.
w95-S 15/2 pág. 27 párr. 6
¿Tlen tikchiuaskej ijkuak titlajyouiaj?
Eyi tlakamej okiluijkej Job tlen yejuan omokuayejyekouayaj uan okachi okiyolkokojkej porque amo okiluijkej tlen toTajtsin Dios mokuayejyekoua. Elifaz okijto toTajtsin Dios amitlaj kinneltokilia itekipanojkauan uan amo okitekipachouaya kox Job okatka yolkuali (Job 4:18; 22:2, 3). Amo melauak tlen okijto uan teyolkoko. Ikinon Jehová okinmajuak Elifaz uan oksekimej tlakamej porque amo melauak tlen okijtojkej. ToTajtsin Dios okinmilui: “Namejuan amo onankijtojkej tlen melauak nikchiua” (Job 42:7). Pero yejuan okijtojkej itlaj tlen okachi teyolkoko.
w03-S 15/4 págs. 14, 15 párrs. 10-12
Telpochmej uan ichpochmej kiyolpaktiaj Jehová
10 Biblia kijtoua Satanás amo okijto san Job amo uelis kiyolpaktiskia toTajtsin Dios. Ye okijto tinochtin akinmej tiktekichiuiliaj amo uelis tikyolpaktiskej. Kijtosneki amo uelis kiyolpaktiskej toTajtsin Dios nochtin akinmej chantij tlaltikpak ijkuak okijto: “Akin kineki momakixtis kitemakas nochi tlen kipia” (Job 2:4). Telpochmej uan ichpochmej, ¿yonankitakej Satanás kijtoua namejuan noijki amo uelis nankiyolpaktiskej toTajtsin Dios? Itech Proverbios 27:11 Jehová kijtoua namejuan uelis nankinankiliskej Satanás akin kipinauia. Jehová namechiluia xikpaleuikan para uelis kinankilis Satanás. Moneki nanmochijchikauaskej porque miak ipati tlen kineki Jehová xikchiuakan. ¿Uelis nankichiuaskej tlen namechiluia? Job ijkon okichi uan noijki Jesús. Miakej ijkon yokichijkej uan sekimej okatkaj telpochmej uan ichpochmej (Job 2:9, 10; Filipenses 2:8; Apocalipsis 6:9). Namejuan noijki uelis ijkon nankichiuaskej. Pero moneki nankipejpenaskej itlaj miak ipati. Nankipejpenaskej nankipaleuiskej toTajtsin Dios noso nankipaleuiskej Satanás.
Jehová kitekipachoua tlen namechpanoua
11 ¿Kipatioita Jehová tlen nankipejpenaskej nankichiuaskej? ¿Ok moneki nankipaleuiskej Jehová maski miakej yokipaleuijkej makinankili Satanás? Satanás okijto amikaj kitekichiuilis toTajtsin Dios porque kitlasojtla pero yomotak amo melauak tlen okijto. Jehová kineki xikpaleuikan mamoteititi san ye kinamiki tlanauatis porque kitekipachoua tlen namechpanoua. Jesús okijto: “NoTajtsin tlen kajki iluikak noijki amo kineki mapoliui nion se yolyamanki” (Mateo 18:14).
12 Non kiteititia Jehová kitekipachoua tlen nankipejpenaskej nankichiuaskej. Tlen nankipejpenaskej nankichiuaskej uelis sapanoua kiyolkokos noso kipaktis. Ikinon tlen nankichiuaj uelis kipaktis noso kiyolkokos. Matikitakan tlen okichijkej israelitas. Yejuan miak uelta okiyolkokojkej Jehová porque amo okitlakamatkej (Salmo 78:40, 41). Noijki sapanoua omoyolkoko ijkuak ayamo otlaatemiaya porque “miakej sapanoua okichiuayaj tlen amo kuali” (Génesis 6:5, 6). Ximokuayejyekokan tlen uelis panos tla nankichiuaskej tlen amo kuali porque uelis nankiyolkokoskej Jehová. ToTajtsin Dios namechtlasojtla uan kitekipachoua tlen namechpanoua uan amo san porque ijkon kineki xikchiuakan. Pero ye paki ijkuak nankipejpenaj nankichiuaskej tlen kuali. Ye amo san paki porque tikteititia amo melauak tlen kijtoua Satanás. Ye paki porque kineki namechteochiuas (Hebreos 11:6). Jehová melauak namechtlasojtla.
Matiktemokan ken techpaleuia Biblia
w04-S 15/7 pág. 21 párrs. 7, 8
Matimochijchikauakan okachi matiktekichiuilikan Jehová
Matikitakan tlen okichi Jehová ijkuak opejki kichijchiua tlaltikpak. Ye okijto tlen kichijchiuaskia sejse tonal ikinon okijto:“Otiotlakik uan otlaneski” (Génesis 1:5, 8, 13, 19, 23, 31). Ye yokimatiaya tlen kichiuaskia ijkuak opeuaya itlaj kichijchiuas iuan ijkon okichiuaya. Ijkon okichijchi tlen okinekiaya kichiuas (Apocalipsis 4:11). Ikinon Job okijto: “Ijkuak itlaj kineki kichiuas, ye kichiua” (Job 23:13). Jehová sapanoua oyolpakik ijkuak “okitak sapanoua kuali nochi tlen okichijchi” (Génesis 1:31).
Tla tiknekij itlaj tikchiuaskej moneki tikchiuaskej ijkon ken yotikijtojkej. ¿Tlen techpaleuis ijkon matikchiuakan? Matikitakan tlen okichi Jehová. Ye yokimatiaya kualtsin mokauaskia tlaltikpak maski ayamo kuali okiyektlaliaya uan san okatka tlauaki. Non sapanoua kiueyichiuaskia. Tejuan noijki matimokuayejyekokan ken yetos tlen tiknekij tikchiuaskej uan ken techpaleuis tla ijkon tikchiuaskej. Matikitakan tlen okipanok Tony ijkuak okipiaya 19 xiuitl. Amo keman okilka ijkuak okitak Betel tlen kajki itech se altepetl ompa Europa. Ijkuakon opejki motlajtlania ken yetoskia tla ompa chantiskia uan kitekichiuiliskia toTajtsin Dios. Ye nochipa omokuayejyeko ompa tlapaleuis uan omochijchika ijkon kichiuas. Sapanoua oyolpakik porque opanok seki xiuitl uan okinotskej matlapaleuiti Betel.
11-17 DICIEMBRE
KEN TECHPALEUIA BIBLIA | JOB 25-27
“Uelis tikpiaskej toyolo ajsitok maski titlajtlakolejkej”
Ma tikpiakan toyolo ajsitok
9 ¿Tlen okichi Job maski sapanoa otlajyouijtoka? Ye okatka tlajtlakole, ik non, okualanki, okinmajuak iyolikniuan uan san tlen amo okijto. Maski satepan okijto amo kuali tlen okichi. Job okinekiaya kiteititis ye okatka okachi yolkuali uan amo toTajtsin Dios (Job 6:3; 13:4, 5; 32:2; 34:5). Pero amo keman okika toTajtsin Dios maski sapanoa otlajyouijtoka. Amo okineltokak tlen okiluijkej iyolikniuan. Okinmilui: “¡Amo ximokuayejyekokan nikijtos namejuan nanyolmelauakej! ¡Maski nimikis nikpias noyolo ajsitok!” (Job 27:5). Okiteititi nochipa kipiaskia iyolo ajsitok maski kipanoskia miak tlamantli. Job okixiko nochi tlen okipanok uan tejuan moneki noijki ijkon ma tikchiuakan.
10 ¿Tlen kipia tlen kitas touan tlen Satanás okichiuili Job? Satanás kijtoa amo melauak tiktlasojtlaj Jehová. Kijtoa ijkuak titlajyouiskej ayakmo tiktekichiuiliskej uan ayakmo tikpiaskej toyolo ajsitok (Job 2:4, 5; Apoc. 12:10). ¿Ken timomachiliaj? Techyolkokoa. Pero ma tikitakan tlen mokuayejyekoa Jehová. Jehová kikauilia Satanás ma techyejyeko porque techkauilia ma tikteititikan tikpiaj toyolo ajsitok uan noijki ma tikteititikan Satanás san tlakajkayaua. ToTajtsin Dios kineki techpaleuis ma tikpiakan toyolo ajsitok (Heb. 13:6). Se tlateochiualistli techneltokilia toTajtsin Dios akin ueyi Tekiua itech nochi semanauak. Ma tikitakan tleka miak ipati ma tikpiakan toyolo ajsitok. Porque techpaleuis ma tikteititikan Satanás san tlakajkayaua. Ijkon tikteititiskej tikpaleuiaj itoka toTajtsin Dios porque san ye kinamiki tlanauatis. Pero ¿tlen techpaleuis ma tikpiakan toyolo ajsitok?
Ma tikpiakan toyolo ajsitok
3 Tikteititiaj tikpiaj toyolo ajsitok ijkuak titetlasojtlaj, ijkuak san ye Jehová tikueyichiuaj uan nochipa tikchiuaj tlen kipaktia. Ma tikitakan tleka ijkon moijtoa. Yiuejkika, toTajtsin Dios okinnauati israelitas tla kitlamaniliskiaj, omonekiaya kimakaskej se yolkatl tlen amo omokokoaya (Lev. 22:21, 22). Amo uelis kitemakaskiaj se yolkatl koxo noso okipoloaya se inakas noso se ixtololo. Noijki amo kitemakaskiaj se yolkatl tlen omokokoaya porque Jehová amo okipaktiaya ma kinmakakan yolkamej tlen omokokoayaj (Mal. 1:6-9). ¿Tleka Jehová sapanoa kipatioita ma ajsito tlen tikmakaj? Ma tikitakan tlen kijtosneki tikmakaskej Jehová itlaj ajsitok. Ijkuak tikkouaj tlakilotl tiknekij ma technemakiltikan kuajkuali. Amo tiknekij ma technemakiltikan yipalantok. Noijki Jehová kineki ma tikmakakan tlen kuali. Kineki nochipa ma tiktlasojtlakan uan kineki ma tiyetokan tiyolmelajkej.
4 Tejuan titlajtlakolejkej uan tikchiuaj tlen amo kuali. Ik non, xamo timotlajtlaniaj: “¿Kijtosneki ayakmo tikpiaskej tlajtlakoli tla tiknekij tikpiaskej toyolo ajsitok?”. Amo. Ma tikitakan ome tlamantli tlen kiteititia tleka ijkon tikijtoaj. Achto, Jehová amo san kita tlen amo kuali tikchiuaj. Ik non, Biblia kijtoa: “Jehová, tla san tikitaskia ijkuak tikchiuaj tlen amo kuali, Jehová, ¿akin uelis tlaxikos?” (Sal. 130:3). Ye kimati titlajtlakolejkej uan techtlapojpoluia ika nochi iyolo (Sal. 86:5). Okse tlamantli, Jehová kimati tlen uelis tikchiuaskej uan amo kichia ma tikchiuakan miak tlamantli (xiktlajtolti Salmo 103:12-14). Ik non, ¿ken uelis tikpiaskej toyolo ajsitok ixpan Jehová?
5 Moneki titetlasojtlaskej uan ijkon tikpiaskej toyolo ajsitok. Moneki nochipa tiktlasojtlaskej Jehová uan amo keman ma tikkauakan. Kijtosneki tikpiaj toyolo ajsitok tla nochipa titetlasojtlaj maski tikixnamikij ouijkayotl (1 Crón. 28:9; Mat. 22:37). Oksepa ma timokuayejyekokan tlen okinpanok eyi tokniuan tlen intech yotimotlapouijkej. ¿Kijtosneki ichpochtli amo kipaktia moyolpaktis? ¿Telpochtli amo kineki mopinatis? Noso ¿teta amo kineki kipias tekitl? Amo. Pero ¿tleka ijkon okichijkej? Porque kimatij kinpaleuis tla kintlakamatiskej itlanauatiluan Jehová uan san ye kiyolpaktiskej. Noijki kipejpenaj kichiuaskej tlen kuali porque kitlasojtlaj Jehová uan kichiuaj ken ye mokuayejyekoa. Ijkon kiteititiaj kipiaj inyolo ajsitok.
Matiktemokan ken techpaleuia Biblia
San sekan titekitij ken kijtoaj iTlajtol toTajtsin Dios
3 Ijkuak timokuayejyekoaj itech nochi tlen Jehová okichijchi, tikitaj nochi kuali kichiua. Ye “okichijchi Tlaltikpak ika ixtlamatilistli. Ika ajsikamatilistli kuali okitlali iluikak” (Proverbios 3:19). Pero san tepitsin tikmatij itech tlen toTajtsin Dios okichijchi. Ik non Biblia kijtoa “san ken se tlajtoli tlen amo chikauak itech mokaki” (Job 26:14). Pero maski san tepitsin tikixmatij semanauak, techpaleuia ma tikitakan Jehová nochi kuali okiyektlali (Salmo 8:3, 4). Ma timokuayejyekokan itech sapanoa miakej sitlalimej tlen kuali moliniaj. Noijki ken seki planetas kiyaualojtokej Tonaltsin. Jehová ijkon okinek ma yeto uan nin sapanoa techtlajtlachialtia. Ijkuak timokuayejyekoaj ken Jehová okichijchi iluikak uan Tlaltikpak ika ixtlamatilistli, tikueyichiuaj uan tiknekij tiyetoskej tiyolmelajkej (Salmo 136:1, 5-9).
18-24 DE DICIEMBRE
KEN TECHPALEUIA BIBLIA | JOB 28-29
“¿Tikpia monemilis ijkon ken Job okipiaya?”
¿Akin okatka Job?
Itech tlali Uz, ochantiaya se tlakatl tlen okiueyichiuaya Jehová. Nin tlakatl omotokayotiaya Job. Ye okipiaya miak tomin uan miakej ikalchanejkauan. Noijki okatka yolkuali uan okinpaleuiaya akinmej amo itlaj okipiayaj, iknomej uan siuamej tlen omikej innamik. ¿Tikneltoka Job amo keman tlajyouiskia porque okatka yolkuali?
it-1-S pág. 1225 párr. 10
Tlakemitl
Onka okseki tlamantli tlen kineskayotia tlakemitl. Ualeua seki tlakemitl tlen kimotlaliliaj kiteititia akin kipaleuiaj. Noijki ijkon tlakemitl tlen kineskayotia Biblia kiteititia tlen kichiua akin kimotlalilia. Ijkon kiteititia Jesús ijkuak Biblia kijtoua kimotlalilia itlaken para monamiktis (Mat. 22:11, 12; xikita PRENDA PARA LA CABEZA; SANDALIA). Ikinon Apocalipsis 16:14, 15 toTeko Jesucristo techiluia matiijsatokan uan nochipa matikteititikan tiitlaixpantijkauan Jehová. Tlamo titlajyouiskej ijkuak “mochiuas guerra itech iueyi tonal toTajtsin Dios tlen kipia nochi chikaualistli”.
w09-S 1/2 pág. 15 párrs. 3, 4
¿Tlen motoka?
Ijkuak tinesij amo tejuan tikpejpenaj ken timotokayotiskej. Pero tejuan tikpejpenaj ken tikpiaskej tonemilis (Proverbios 20:11). Ikinon matimotlajtlanikan: “¿Ken nechtokayotiskiaj Jesús noso apóstoles tla yejuan kipejpenaskiaj notoka? ¿Notoka kiteititiskia nikpia kuali nonemilis?”.
Miak ipati ijkon matimotlajtlanikan. Tekiua Salomón okijkuilo: “Moneki tikpejpenaskej se kuali tokayotl uan amo miak tomin” (Proverbios 22:1). Okachi miak ipati kuali matechitakan uan amo okseki tlamantli. ToTajtsin Dios techteochiuas tla timochijchikauaj tikpiaskej se kuali tokayotl. Ye yokijto kinmijkuilos intoka “itech ilibro” akinmej kitlakamatij uan kinkauilis nochipa mayoltokan (Malaquías 3:16; Apocalipsis 3:5; 20:12-15).
Matiktemokan ken techpaleuia Biblia
g00-S 8/7 pág. 11 párr. 3
Mitspaleuis tla tiixuetskas
¿Kox ipati tla tiixuetskaskej? ¿Tikilnamiki ijkuak ikaj omitsixuetskili? Xamo omitsyolchika uan omitsyolseui. Pero amo kuali timomachilia tla amikaj mitsixuetskilia. Ikinon miak ipati matiixuetskakan porque kipaleuia akin tikixuetskiliaj uan tejuan noijki techpaleuia. Job okijto tlen okichijkej akinmej okikokoliayaj. Ye okijto oksekimej amo okineltokayaj ijkuak okinmixuetskiliaya pero okinyolchikauaya (Job 29:24). Ixko Job xamo okiteititiaya opakiaya.
25-31 DE DICIEMBRE
KEN TECHPALEUIA BIBLIA | JOB 30-31
“¿Tlen okichi Job para amo kichiuas tlen amo kuali?”
“Xikcholilikah n awilnemílistli”
12 Salomón akin okatka ixtlamatki okijkuilo: “Itech nochi tlamantli [...] okachi xikmalui moyolo, pampa itech kisa yolilistli” (Proverbios 4:23). Ijkuak moijtoa ‘toyolo’, kijtosneki tlen tikpiaj toijtik tlen kita toTajtsin Dios. Ik non, pampa Jehová kita toyolo, ye uelis kijtos kox tikseliskej yolilistli tlen amo keman tlamis, uan amo ken techitaj oksekimej. Ik non, moneki ma timomaluikan. Job akin okatka yolmelajki, okijto amo keman kitaskia se siuatl pampa mopaktiskia (Job 31:1). ¡Otechmakak se kuali neskayotl! Ma timokuayejyekokan noijki ijkon ken salmista, akin omotlatlaujti: “Xikchiua noixtololouan ma tlachiakan oksekan pampa amo ma kitakan tlen amo itlaj ipati” (Salmo 119:37).
“Xikcholilikah n awilnemílistli”
8 Biblia techiluia tlen melauak: akinmej auilnemij amo uelis yetoskej itech tlanechikol nion kiseliskej yolilistli tlen amo keman tlamis (1 Corintios 6:9; Apocalipsis 22:15). Noijki sapanoa motlajyouiltiaj, pampa momachiliaj ayakmo itlaj inpati, amo motlakaitaj, mokualaniaj iuan innamik, intlalnamikilis san kintlajtlakoltijtok, kinpiaj inkoneuan maski amo okinekiayaj, kinmajsi itlaj kokolistli uan noijki mikij (xiktlajtolti Gálatas 6:7, 8). San titlajyouiskej tla ijkon tikpiaskej tonemilis. Miakej amo mokuayejyekoaj tlen kinpanos ijkuak kichiuaj nin tlamantli tlen kintopeua: peua kimauisoaj pornografía.
“Tiktenextiah tiktlasojtla Dios”
10 ¿Tlen okachi techyolinia ma tikintlakamatikan itlanauatiluan toTajtsin Dios? ¿Tleka tiknekij tikpiaskej tonemilis ken toTajtsin Dios kineki? Amo san pampa amo tiknekij tikpiaskej ouijkayotl noso amo tiknekij ma techtlajyouilti (Gálatas 6:7). Tiktlakamatij Jehová pampa tikajsikamatij ijkon uelis tikititiskej melauak tiktlasojtlaj. Ijkon ken konemej kinekij ma kinselikan intatajuan, tejuan noijki tiknekij ma techseli Jehová (Salmo 5:12). Ye toTajtsin uan tiktlasojtlaj miak. Techyolpaktia miak tikmatiskej tlen tikchiuaj ‘kiselia Jehová’ (Proverbios 12:2).
11 Ik non, amo san tikualantokej ijkuak tiktekichiuiliaj toTajtsin Dios nion tikchiuaj san ken tiknekij noso san ken okachi techpaktia. Amo tikijtoaj keman titetlakamatiskej, amo timokuayejyekoaj san tikchiuaskej ijkuak amo okachi oui, noso ijkuak amo sapanoa timochijchikauaskej. Okachi kuali, ‘titetlakitah ika [nochi] toyolo’ (Romanos 6:17). Tikmachiliaj ijkon ken okijkuilo salmista: “Nikinneki motlanauatiluan” (Salmo 119:47). Kema, tiktlakamatij Jehová ika pakilistli. Tikajsikamatij san ye kinamiki —uan ye ijkon techtlajtlanilia— nochipa ma tiktlakamatikan uan amo ma titlananankilijtokan (Deuteronomio 12:32). Tiknekij tikchiuaskej ken Noé, akin itech nochi inemilis okitlakamatki toTajtsin Dios ika nochi iyolo uan ijkon okiteititi melauak okitlasojtlaya. Noijki ijkon moijtos totech ken omoijto itech ye: “Okichi nochi tlen okinauati toTajtsin Dios. Ijkon melauak okichi” (Génesis 6:22).
Matiktemokan ken techpaleuia Biblia
Ma tikintlasojtlakan tokniuan uan ma tikinyolchikauakan
13 Ma tikinkakikan tokniuan (Sant. 1:19). Tikteititiskej tikintlasojtlaj tokniuan tla tikinkakij uan tikajsikamatij tlen kimachiliaj. Ma timokuayejyekokan ken timomachiliskiaj tla tejuan timoyolkokoskiaj. Ik non, ma tikintlajtlanikan ken momachiliaj uan ijkon tikmatiskej tlen kintekipachoa. Ijkon tokniuan nochipa techiluiskej tlen kinpanoa. Ijkuak techtlapouiskej tlen kinpanotok, kuali ma tikinkakikan uan amo san niman itlaj ma tikinmiluijtikisakan. Tla ijkon tikchiuaskej, nochipa techiluiskej ken momachiliaj uan kichiuaskej tlen tikinmiluiaj. Techiluiskej ma tikinyolseuikan tla tikteititiaj melauak techtekipachoa tlen kinpanoa.