Biblia se kualtsin tetliokolil

1. Dios otechmakak iTlajtol chipauak,

¡se tetliokolil miak ipati!

Techpaleuia, kuali techyekana,

techmatiltia tlen kichiuas Dios.

Techyolchikauas tla timomachtiaj,

tiyolpakiskej uan techmakixtis.

Maski okijkuilojkej san tlakamej,

Dios okinmakak iespíritu.

2. Nochi tlen onka, ken kijtoa Biblia,

Dios okichijchi uan iaxka ye.

Pero se ángel niman okixnamik

uan ijkon ye omochi Satanás.

Adán uan Eva otlajtlakolchijkej

uan ijkon opejki tlajtlakoli,

ik non, tinochtin san titlajyouiaj

pero san niman tlayektlalis Dios.

3. Toteko Cristo yitlanauatijtok,

kichiuas nochi tlen yokijto Dios.

Ika pakilis uelis tikijtoskej:

“¡San niman yetos se xochitlali!”.

Tikpiaskej Biblia, se tlateochiuali,

ompa kijtoa ken iyelis Dios.

Ma tiktlasojkamatilikan miak

akin otechmakak nin tlauili.