TLAKUIKALI 139
Amo ma tikilkauakan xochitlali
1. Niyolpakis, tiyolpakis.
Tlaltikpak yetos se xochitlali.
Tlamis nochi tlajyouilis;
nochipa yetos yolseuilis.
Amo yetos kokolistli,
noijki amo ikaj mikis.
San niman Jesús nikan tlanauatis
uan titlakuikaskej ika pakilistli:
(ESTRIBILLO)
“ToTajtsin Jehová, mokone Jesús
okiualikak yankuik Tlaltikpak.
Mojmostla timitstlasojkamatiliskej.
¡San te nochipa tiueyititos Jehová!”.
2. Ne niyetos, te tiyetos
itech non kuajkualtsin xochitlali.
¡Yetos miak pakilistli!
Ayakmo ikaj moyolkokos.
ToTajtsin Dios techmakixtis,
kichiuas porque techtlasojtla.
Jehová kinyolitis miakej mikamej
uan yejuan kijtoskej ika pakilistli:
(ESTRIBILLO)
“ToTajtsin Jehová, mokone Jesús
okiualikak yankuik Tlaltikpak.
Mojmostla timitstlasojkamatiliskej.
¡San te nochipa tiueyititos Jehová!”.
(Noijki xikita Sal. 37:10, 11; Is. 65:17; Juan 5:28; 2 Ped. 3:13).