Ken timomachtia iuan iTlaixpantijkauan Jehová, yitikmati tlen tlamachtia Biblia. Ik non, timouika iuan toTajtsin Dios uan noijki yotikmatki satepan uelis tiyoltos nochipa itech xochitlali ijkuak ualtlanauatis iTekiuajkayo toTajtsin Dios. Noijki okachi yitikneltoka tlen kijtoua iTlajtol toTajtsin Dios. Jehová mitsteochiua porque tipoui itech ialtepe uan yotikitak ken kinpaleuia itekipanojkauan (Zac. 8:23).

Para uelis timoapolaktis, mitspaleuis timomachtis iuan tlayekankej seki tlamachtilmej tlen tikneltokaj akinmej tikchiuaj ken Cristo (Heb. 6:1-3). Jehová ma mitsteochiua porque timochijchikaua tikixmatis uan ma mitsmaka tlen yokijto (Juan 17:3).

1. ¿Tleka tikneki timoapolaktis?

2. ¿Akin Jehová?

   • “San ye Jehová akin melauak toTajtsin Dios ompa iluikak uan nikan tlaltikpak. Amo onka okse” (Deut. 4:39).

   • “Nochtin ma kimatikan te motoka Jehová, san te okachi tiUeyititok ipan nochi tlaltikpak” (Sal. 83:18).

3. ¿Tleka moneki tikijtoskej itoka toTajtsin Dios?

   • “Namejuan, moneki ijkin nanmotlatlaujtiskej: ‘ToTajtsin tlen tika iluikak, ma mochipaua motoka’” (Mat. 6:9, TNM).

   • “Nochi akin kijtos itoka Jehová momakixtis” (Rom. 10:13, TNM).

4. ¿Tlen okseki tlajtolmej kitekitiltia Biblia ijkuak tlajtoua itech Jehová?

   • “Jehová akin oKichijchi nochi tlaltikpak, ye se Dios tlen kajki nochipa” (Is. 40:28).

   • “ToTajtsin tlen tika iluikak” (Mat. 6:9, TNM).

   • “Dios Ye n tlasojtlálistli” (1 Juan 4:8).

5. ¿Tlen uelis tikmakas Jehová?

   • “Xiktlasojtla Moteko Dios [Jehová] ika nochi moyolo, ika nochi moalma, ika nochi motlalnamikilis iwa ika nochi mochikawalis” (Mar. 12:30).

   • “Xikweyijkachiwa Moteko Dios [Jehová], iwa sanwel Ye tiktekichiwilis” (Luc. 4:8).

6. ¿Tleka tikneki nochipa tiktekichiuilis Jehová?

   • “Nokone xiyeto ixtlamatki uan techyolpakti, ijkon niknankilis akin nechpinauia” (Prov. 27:11).

7. ¿Akin tiktlatlaujtia uan itech akin itoka?

   • Jesús okijto: “De milajka, de milajka nomechilia, Notajtsi nomechmakas nochi tlan nonkitlajtlaniliskeh ika Notoka” (Juan 16:23).

8. ¿Tlen uelis tikijtoskej ijkuak timotlatlaujtiaj?

   • “Namejuan, moneki ijkin nanmotlatlaujtiskej: ‘ToTajtsin tlen tika iluikak, ma mochipaua motoka. Ma uiki moTekiuajkayo. Ma mochiua motlanekilis ompa iluikak uan noijki nikan tlaltikpak. Techmaka axkan tlen tikkuaskej. Techtlapojpolui tlen amo kuali otikchijkej, ijkon ken tejuan tikintlapojpoluiaj akinmej itlaj techchiuiliaj. Amo xiktekauili ma techyoltilana tlajtlakoli uan techmakixti imak Satanás’” (Mat. 6:9-13, TNM).

   • “Titlaneltokah inawak Dios, porke tikmatih Ye techkaki tla itla tiktlajtlaniliah non Ye kipaktia” (1 Juan 5:14).

9. ¿Tlen uelis kichiuas Jehová amo ma kikaki ikaj ijkuak motlatlaujtia?

   • “Kiluiskej Jehová ma kinpaleui pero ye amo kinnankilis [...] porque okichijkej tlen amo kuali” (Miq. 3:4).

   • “Porke Toteko Dios kintlajtlatok n yolchipawakeh, iwa kinkakilia intiotsajtsilis, pero kinmixnamiki akimeh kichiwah tlan amokuali” (1 Ped. 3:12).

10. ¿Akin Jesucristo?

    • “Simón Pedro okinankili: ‘Tejwatsi Ti Cristo, Ikone Dios non yolitok’” (Mat. 16:16).

11. ¿Tleka ouala Jesús nikan tlaltikpak?

    • “Ne Non onimochi ni tlakatl amo oniwala manechtekitilikah, yej oniwala onitekitiko iwa nimotemakas manechmiktikah iwa ijkó miakeh mamomakixtikah” (Mat. 20:28).

    • “Jesús okinmili: ‘Nikpia nitetlapowiti de kan tlanawatia Dios ika n kualitlájtoli intech oksikimeh altepemeh, ken ika ye onechaltítlanki Dios’” (Luc. 4:43).

12. ¿Ken uelis tiktlasojkamatis tlen okichi Jesús?

    • “Cristo omikki por nochteh n tlaltikpaktlakah, para akimeh yolitokeh ayakmó san yejwah mamonawatikah, yej makichiwakah tlan Cristo kimonekiltia, Akin omikki iwa omoyoliti por yejwah” (2 Cor. 5:15).

13. ¿Ueyititok Jesús?

    • “Notajtsi onechmaktili nochi para Ne manitlanawati itech ilwikak iwa itech tlaltíkpaktli” (Mat. 28:18).

    • “Totajtsi Dios okiweyijkatlali, iwa okimák se Itoka non okachi weyi ke oksikimeh intokah” (Filip. 2:9).

14. ¿Tikneltoka Cuerpo Gobernante tlen kipiaj iTlaixpantijkauan Jehová ye “tlakeuali yolmelajki uan ixtlamatki” tlen okitlali Jesús?

    • “¿Akin tlakeuali yolmelajki uan ixtlamatki akin iteko okitlali ma kinyekana nochtin itekipanojkauan, para kinmakas tlakuali ijkuak moneki?” (Mat. 24:45, TNM).

15. ¿Se tlakatl espíritu santo?

    • “N ángel okinankili: ‘N Espíritu Santo [tikselis], iwa iweletilis n Totajtsi Dios mitsmokemis kemi se mextli. Yika, n konetl non te tikpias yetos yolchipawak iwa kinotsaskeh Tekone de Dios’” (Luc. 1:35).

    • “Nomejwah [amo] nonkualteh, iwa nonkinmakah tlan kuali nomopilwah, ¿amo nonkiyejyekoliah Nomotajtsi non kajki ilwikak nomechmakas n Espíritu Santo tla nonkitlajtlaniliskeh?” (Luc. 11:13).

16. ¿Ken yokitekitilti Jehová espíritu santo?

    • “Jehová otlanauati ma yeto iluikak uan okichijchi uan ika ijyotl tlen okiski ikamak okichijchi nochi tlen ompa onka” (Sal. 33:6).

    • “Ijkuak n Espíritu Santo wits nomotech, nonkiseliskeh weletílistli iwa nonyaskeh nontetlapowitiweh notlajtol [...] itech nochi n tlaltíkpaktli” (Hech. 1:8).

    • “Nion se tlájtoli non kajki itech itlajkuilol Dios, san sikimeh weletis kajsikamatiskeh, porke n profetas ayik okitenkixtijkeh san tlan yejwah okiyejyekoliayah, yej ika iweletilis n Espíritu Santo nochipa okitenkixtijkeh tlan Dios okinekia makitematiltikah” (2 Ped. 1:20, 21).

17. ¿Tlen kijtosneki iTekiuajkayo toTajtsin Dios?

    • “ToTajtsin Dios tlen kajki iluikak kitlalis se tekiuajkayotl tlen amo keman kitlajtlamiskej. Nin tekiuajkayotl [...] kintlajtlamis uan kinmachiuas nochi ninmej tekiuajkayomej uan ye nochipa yetos” (Dan. 2:44).

18. ¿Ken mitspaleuis iTekiuajkayo toTajtsin Dios?

    • “Ye kinmixayowajwatsas nochteh, iwa ayakmó yetos mikílistli, nion chokílistli, nion neyolkókoli, nion tekipanólistli, porke nochi tlan yowejka okatka, nochi yotlatlajtlanki” (Apoc. 21:4).

19. ¿Ken tikmati toTajtsin Dios yikichiuas tlen yokijto ika iTekiuajkayo?

    • “Itlamachtijkawah omijkuanijkeh [noso omotokijkej] inawak iwa okitlajtlanijkeh: ‘Techili, ¿kemania ijkó tlamochiwas, [uan tlen kiteititis yitika uan ijkuak yitlamis nochi tlen onka itech tlaltikpak]?’. Jesús okinnankili: ‘[...] se país momakas iwa n ok se, iwa se altepetl momakas iwa n ok se. Yetos apisotl, iwa sentetl tlalolinis. Iwa ijkuak nin kualitlájtoli non techilia kenomi Dios tlanawatia, motetlapowis itech nochi n tlaltíkpaktli para nochteh makimatikah. Iwa ijkuakó, [nochi] tlamis’” (Mat. 24:3, 4, 7, 14).

    • “Itech iksemi tonatijmeh yetos miak tlaijyowílistli. N tlakah yetoskeh xíkojteh, satlawel kiwilitaskeh tomi, moweyiliskeh iwa xaxankuatiskeh. Tlajtoskeh fiero de Dios, iwa [amo] kintlakitaskeh intajwah. Amo kimatiskeh motlasojkamatiskeh iwa [amo] ok kitlakitaskeh Dios. [Amo] kimatiskeh tetlasojtlaskeh nion tetlapojpolwiskeh. Satlawel kiwilitaskeh tepojpoaskeh iwa amo kixikoskeh tlan amokuali kelewis inkuerpo, tetlaijyowiltiskeh iwa kikokoliskeh tlan kuali. Yetoskeh teichtakawijkeh, ayakmó pinawaskeh nion [amo] itla kixmawiliskeh. Moyolpaktijtinemiskeh ika tlan amo kuali kelewia inkuerpo, iwa ayakmó kitemoskeh Dios. Kichiwaskeh kemi yetoskiah de milajka kineltokah Dios, pero ika tlan kichiwaskeh moixmatiskeh amo milák kineltokah” (2 Tim. 3:1-5).

20. ¿Ken uelis tikteititis tikpatioita iTekiuajkayo toTajtsin Dios?

    • “Achto xikchiwakah tlan Dios nomechnawatia iwa xikchiwakah tlan Ye kimonekiltia” (Mat. 6:33).

    • “Ijkuakon, Jesús okinmilui imachtijkauan: ‘Tla ikaj kineki kichiuas ken ne, ma kixtopeua tlen kineki kichiuas uan ma kikitski itlaketsal tlen tetlajyouiltia uan nochipa ma kichiua ken ne’” (Mat. 16:24, TNM).

21. ¿Akin Satanás uan amo kuali ejekamej?

    • “Nomejwah nomota n diablo, [...] ye se temikti desde ipewaya n tlaltíkpaktli” (Juan 8:44).

    • “Okiwalkixtijkeh n weyi dragón, n koatl non yowejka kajki, non noiwa itoka diablo iwa satanás, ye akin kinkajkayawa nochteh n tlaltikpaktlakah. Ye iwa iangelwah okualintlamotlakeh ipan nin tlaltíkpaktli” (Apoc. 12:9).

22. ¿Tlen okijto Satanás itech Jehová uan itekipanojkauan?

    • “Siuatl okilui kouatl: ‘Uelis tikkuaskej itlakilo nochi kuauitl tlen onka itech xochitlali. Pero itlakilo kuauitl tlen kajki itlajkotia xochitlali, toTajtsin Dios okijto: “Amo xikkuakan itlakilo, amo, amo xikkitskikan, tlamo nanmikiskej”’. Ijkuakon, kouatl okilui siuatl: ‘Amo melauak nanmikiskej. Porque Dios kimati ijkuak nankikuaskej, motlaposkej namoixtololouan uan nanyetoskej ken Dios, nankimatiskej tlen kuali uan tlen amo kuali’” (Gén. 3:2-5).

    • “Satanás okinankili Jehová uan okijto: ‘Akin kineki momakixtis kitemakas nochi tlen kipia’” (Job 2:4).

23. ¿Ken uelis tikteititis amo melauak tlen okijto Satanás?

    • “Xiktekichiuili [toTajtsin Dios] ika nochi moyolo” (1 Crón. 28:9).

    • “¡Hasta ijkuak nimikis nikpias noyolo ajsitok!” (Job 27:5).

24. ¿Tleka tiixpoliuij?

    • “Por itlajtlakol se tlakatl n tlajtlákoli okalak itech nin tlaltíkpaktli iwa okualík mikílistli, ijkó noiwa nochteh mikkih porke nochteh otlajtlakolchijkeh” (Rom. 5:12).

25. ¿Tlen kinpanoua akinmej ixpoliuij?

    • “Akinmej yoltokej kimatokej ixpoliuiskej pero akinmej yoixpolikej ayakmo itlaj kimatij” (Ecl. 9:5).

26. ¿Oksepa tikinmitaskej akinmej yoixpolikej?

    • “Nochteh non yomikkeh moyolitiskeh [akinmej yolmelauakej uan akinmej amo yolmelauakej]” (Hech. 24:15).

27. ¿Keski tlanauatiskej iuan Jesús ompa iluikak?

    • “Satepa onontláchixki iwa onikitak n Ichkatsi omoketoka ipan Siontepetl. Ompa íwa okatkah se siento iwa ome póali iwa n nawi mil (144,000) tlakah non okipixtokah ijkuilitok Itoka n Ichkatsi iwa Itoka Itajtsi kan inmixkuak” (Apoc. 14:1).

Yitikmati tlen kineki Jehová xikchiua porque timomachtia Biblia uan noijki yotikmatki tlen moneki tikchiuas para tikintlakamatis itlanauatiluan. Ik non, yotikpatlak monemilis uan tikpatioita moyolilis. Yotikijto tikchiuas tlen toTajtsin Dios tlanauatia, ik non, uelis tiktekichiuilis ken itekipanojka tlen tetlapouia kuali tlajtolmej.

Tlen axkan oksepa timomachtis, mitspaleuis xikilnamikto tlen Jehová technauatia. Noijki mitsilnamiktis tlen moneki tikchiuas tla tikneki tiktekichiuilis. Saiktlami, mitsyolchikauas para nochipa tikchiuas tlen moneki uan ijkon tikpias kuali motlalnamikilis uan tikueyichiuas Jehová (2 Cor. 1:12; 1 Tim. 1:19; 1 Ped. 3:16, 21).

Tikneki tiktlakamatis Jehová uan tipouis itech ialtepe. Tlajtlanilmej uan textos tlen nikan uitsej mitspaleuis xikita kox tikajsikamati tlen kijtosneki tiktlakamatis toTajtsin Dios uan ken tikteititis ijkuak timonechikoua, iuan mofamilia uan ken tikinmita tekiuajkej. Tlen axkan timomachtis mitspaleuis okachi xikpatioita tlen Jehová kichiua para kimachtis ialtepe uan kiyolchikauas.

Noijki mitspaleuis ximochijchikaua nochipa ximonechiko uan xitlapaleui. Noijki nikan tikitas moneki nochipa xikinmachti oksekimej tlen toTajtsin Dios kichijtok para techpaleuis (Mat. 24:14, TNM; 28:19, 20, TNM). Noijki tikajsikamatis tlen kijtosneki timotemakas ixpan Jehová uan timoapolaktis. Xikilnamikto Jehová yolpaki porque noijki tiktlasojtla uan tikneki tiktekichiuilis ika nochi moyolo.

1. ¿Akinmej kineki toTajtsin Dios ma monamiktikan? Ijkon ken kijtoua Biblia, ¿tleka uelis sekimej mokajkauaskej inmixpan tekiuajkej?

   • “¿Ayamó nonkiamapoah itlajkuilol Dios?, itech ipewaya n tlaltíkpaktli, Dios okinchijchi ‘tlakatl iwa siwatl’. Noiwa okinmili: ‘Yika n tlakatl kikawas ita iwa ina iwa moseitilis iwa isiwa, iwa yejwah ome mochiwaskeh san se’. Ijkó kiné, yejwah ayakmó ome, yej sanwel se. Yika, tlan Dios yokiseitili, amaka makinxexelo”. “Sanwel tla isiwa omomekati, weletis itlákau kikajkawas isiwa. Porke akin mosiwakajkawa iwa monamiktia iwan ok se siwatl kijtosneki san kimomekatijtok” (Mat. 19:4-6, 9).

2. ¿Tleka moneki monamiktiskej inmixpan tekiuajkej se tlakatl uan se siuatl tlen kinekij san sekan chantiskej? Tla yotimonamikti, ¿tikmati kox melauak onka se amatl tlen omochi inmixpan tekiuajkej?

   • “Xikinmilnamikti n tlaneltokakeh makintlakitakah n tlanawatijkeh iwa n oksikimeh tekiwajkeh” (Tito 3:1).

   • “Nochteh akimeh yomonamiktijkeh moneki mamotlakitakah, machipaujkanemikah iwa amo mamomekatikah; porke Dios kintlaijyowiltis akimeh momekatiah noso awilnemi, non yomonamiktijkeh iwa non ayamó monamiktiah” (Heb. 13:4).

3. ¿Tlen moneki tikchiuas iuan mofamilia?

   • “Nokone, xikkaki ijkuak mitsyektlalia motajtsin uan amo xikkaua itlanojnotsalis monantsin” (Prov. 1:8).

   • “Tlakatl ye akin kiyakanas isiwa, ijkó kemi Cristo kinyakana akimeh kineltokah”. “Tlakatl non yotimonamikti, xiktlasojtla mosiwa, ijkó kemi Cristo otechtlasojtlak tejwah non Dios okimpéjpenki” (Efes. 5:23, 25).

   • “Nomejwah tetajmeh, amo xikinkuakualanikah nomopilwah, yej xikinyekiskaltikah ika tlanonotsálistli iwa ika itlajtol n Toteko [Jehová]” (Efes. 6:4).

   • “Tepilwah, xikintlakitakah nomotajwah porke ijkó kipaktia n Toteko” (Col. 3:20).

   • “Siwameh, xiktlakitakah nomookich” (1 Ped. 3:1).

4. ¿Tleka moneki tikpatioitaskej tonemilis?

   • “[ToTajtsin Dios] kichiwa matiyolitokah, iwa techmaka toijyotilis, iwa nochi tlan onka”. “Porke itech Dios tikateh, timoliniah iwa tiyolitokeh” (Hech. 17:25, 28).

5. ¿Tleka tlajtlakoli ikaj kimiktiskej uan noijki kimiktiskej se konetl tlen ayamo nesi?

   • “Tla ome tlakamej moteuijtokej uan kikojkoskej se siuatl tlen kipias ikonetsin uan [...] tla ikaj mikis, moneki tiktemakas se yolilistli ika se yolilistli” (Éx. 21:22, 23).

   • “Otechitak ijkuak yikin opejki nimoskaltia ijtik nonantsin uan itech moamoch omoijkuilo nochi tlen nikpiaskia uan nochi omoijkuilojtia nion se tonal amo opoliuik” (Sal. 139:16).

   • “Jehová melauak kikokolia [...] akin kinokia ieso akin amitlaj itlajtlakol” (Prov. 6:16, 17).

6. ¿Tlen technauatia toTajtsin Dios itech estli?

   • “[Amo xiktekitiltikan estli]. Amo xikkuakah [...] nakatl de n yolkameh non san okintoskamalinkeh” (Hech. 15:29).

7. ¿Tleka moneki tikintlasojtlaskej tokniuan?

   • “Ne nomechmaka se yankuik tlanawátili: Ximosepantlasojtlakah, ijkó kemi Ne nomechtlasojtla, ijkó moneki ximosepantlasojtlakah. Tla nomejwah nonmosepantlasojtlah, nochteh n tlaltikpaktlakah nomechitaskeh nomejwah de milajka notlamachtijkawah” (Juan 13:34, 35).

8. 1) Akin kipia se kokolistli tlen uelis kinmaxiltis oksekimej uan uelis ika ixpoliuis, ¿tleka moneki ma momalui uan amo ma kinnapalo noso ma kinnauateki uan amo ma kinmixpipitso oksekimej? 2) ¿Tleka amo moneki kualanis tla oksekimej amo kiluiaj ma uia inkalijtik? 3) ¿Tleka moneki kimochiuilis se análisis tla kineki nemis iuan se tokni para monamiktis? 4) Tla kineki moapolaktis, ¿tleka moneki kimatiltis akin kinyekana tlayekankej ye mokokoua?

   • “Amaka itla xikwikilikah, yej ximotlasojtlakah non nochteh. [...] ‘Xiktlasojtla mokni kemi te timotlasojtla’. Akin kimati tetlasojtla, amo kinchiwilia tlan amokuali n oksikimeh” (Rom. 13:8-10).

   • “Amaka makimotemoli san tlan ye kipalewia, yej makitemo tlan ika weletis kimpalewis oksikimeh” (Filip. 2:4).

9. ¿Tleka technauatia Jehová ma titetlapojpoluikan?

   • “Ximoxikojtokan uan sepa ximotlapojpoluikan tla ikaj amo kuali okichiuilijkej. Ijkon ken Jehová sepa onamechtlapojpolui, noijki ijkon namejuan moneki xikchiuakan” (Col. 3:13, TNM).

10. ¿Tlen moneki tikchiuas tla se tokni motech kijtoua tlen amo melauak noso mitskajkayaua uan mitstlachtekilia?

    • “Tla mokni itla mitstoktis, xiktlapowi iselti iwa xikkajsikamatilti itlajtlakol. Tla omitskak, yotikmotlanili iwa timoyekwikas oksepa íwa. Pero tla amo kineki mitskakis, xiknotsa ok se noso ome tokniwah, iwa ijkuak non moyekkawaskeh yejwah makikakikah tlan ye omitstokti. Tla nion yejwah kinkaki, xikinmoololo nochteh n tokniwah, iwa tla nion tokniwah kinkaki, xikita mokni kemi non amo kineltoka Dios noso kemi se non koololoa impuestos” (Mat. 18:15-17).

11. ¿Ken kita Jehová nin tlamantli?

    • ▪ Ijkuak ikaj moteka iuan akin amo inamik

    • ▪ Ijkuak ikaj kinueyichiua teotsitsintin

    • ▪ Ijkuak ikaj motlakakopa noso mosiuakopa

    • ▪ Ijkuak ikaj tlachteki

    • ▪ Ijkuak ikaj mauiltia para kitlanis tomin

    • ▪ Ijkuak ikaj tlauana

    • “Amo manomechkajkayawakah; porke nochteh akimeh kochtinemih itech tlajtlákoli, akimeh kinweyiliah diosmeh non kinmachijchiwah, akimeh momekatijtinemih, akimeh kichijtinemih tlan pitsotik iwa tetlajyalti, n tlakah non kinmelewiah n tlakah, n tlachtekeh, n tominápisteh, n tlawankeh, n tepojpojkeh, iwa akimeh tekajkayawah para tlachtekiskeh, [amo pouiskej itech iTekiuajkayo toTajtsin Dios]” (1 Cor. 6:9, 10).

12. Tla ikaj kineki iuan ximoteka noso xikchiua tlen pitsotik, ¿tlen tikchiuas?

    • “Xikcholilikah n awilnemílistli” (1 Cor. 6:18).

13. ¿Tleka amo kuali ma tikonikan nion se pajtli tlen uelis kichiuas amo kuali ma tiyetokan ken drogas tla amo techiluia akin tlapajtia ma tikonikan?

    • “Ximotemaktikah nomejwah nomonewiah kemi se tlamíktili non yolitok, chipawak ijkó kemi Ye kipaktia. Ye ni tlan milák ipati inawak Dios. Ayakmó xinemikah kemi nemih n tlaltikpaktlakah, yej xikpatlakah nomotlayejyekolis para ijkó manomechyankuili nomonemilis. Ijkó weletis nonkimatiskeh tlan kimonekiltia Dios, xikchiwakah tlan kuali, tlan kipaktia, iwa tlan yekmilajka” (Rom. 12:1, 2).

14. ¿Tlen tlamantli tlen kichiuaj amo kuali ejekamej amo kineki toTajtsin Dios ma tikchiuakan?

    • “Amikaj ma yeto akin [...] kitekitiltia adivinación, tlen kitekitiltia magia, tlen kitemoua akin tlatetsauia, tlen tetlajchiuia, tlen kitechiuilia tlen amo kuali, tlen kitlajtlania se nauali, noso ikaj tlen kijtoua tlen panos satepan nion ikaj tlen motlapouia iuan akinmej yoixpolikej” (Deut. 18:10, 11).

15. Tla ikaj kichiua se ueyi tlajtlakoli, ¿tlen moneki kichiuas san niman para Jehová oksepa kiselis?

    • “Onimitsilui notlajtlakol uan amo oniktlati tlen amo kuali onikchi. Onikijto: ‘Nikiluis Jehová nochi tlen amo kuali onikchi’” (Sal. 32:5).

    • “Tla aka mokokoa, matlatitlani makinnotsatih n tetajmeh non tlayakantokeh kan nonmoololoah iwa makimotiotsajtsilikah, iwa makixawilikah chiawak itech Itoka n Toteko [Jehová]. Iwa ijkuak motiotsajtsiliah ika tlaneltokálistli, n kókoxki pajtis iwa Toteko [Jehová] kajkokuis iwa tla itla tlajtlákoli okichi, kitlapojpolwilis” (Sant. 5:14, 15).

16. Tla tikmatis se tokni okichi se ueyi tlajtlakoli, ¿tlen moneki tikchiuas?

    • “Tla ikaj tlajtlakolchiua porque okikak ken okse tlauijuikaltia inmixpan miakej uan ixpan omochi, noso okikak noso okimatki, tla amo kitematiltia, ye kitlaxtlauas itlajtlakol” (Lev. 5:1).

17. ¿Tlen tikchiuaskej tla kijtoskej ikaj ayakmo iTlaixpantijka Jehová?

    • “Amo ximowikakah iwa akin kijtoa nomokni itech Cristo, iwa ok momekatijtinemi, noso tominápistli, noso kinweyilia diosmeh non kinmachijchiwah, noso xolópijtli, tláwanki, noso tlachtek, iwa non tlakatl nion amo íwa xitlakuakah” (1 Cor. 5:11).

    • “Tla aka yawi nomocha iwa amo kiwika itlamachtilis Cristo, amo xikkalakikah nion xikselikah nion xiktlajpalokah” (2 Juan 10).

18. ¿Tleka san moneki timouikaskej iuan akinmej kitlasojtlaj Jehová?

    • “Akin nemi iuan akin ixtlamatki ye noijki yetos ixtlamatki, uan akin mouika iuan akinmej amo yolkualmej mochiuas amo yolkuali” (Prov. 13:20).

    • “Amo ximokajkayauakan, tla nannentinemiskej iuan akinmej amo yolkualmej, namechijtlakoskej” (1 Cor. 15:33, TNM).

19. ¿Tleka tiiTlaixpantijkauan Jehová amo timokajkalakiaj itech política?

    • “Ijkó kemi Ne amo de nin tlaltíkpaktli, yejwah noiwa ayakmó de nin tlaltíkpaktli” (Juan 17:16).

20. ¿Tleka moneki tikintlakamatis tekiuajkej?

    • “Nochteh n tlakah moneki makintlakitakah n tekiwajkeh. Porke amo onka se tekiwa non Dios amo okitlali, porke nochteh n tekiwajkeh non axa tlanawatijtokeh, Dios okintlali” (Rom. 13:1).

21. Tla se tlanauatil kixnamiki tlen toTajtsin Dios technauatia, ¿tlen tikchiuas?

    • “Tejwah tikpiah tiktlakitaskeh tlan Dios kijtoa iwa amo tlan kijtoah n tlakah” (Hech. 5:29).

22. ¿Tlen textos techpaleuiskej amo ma tikchiuakan ken akinmej amo kitekichiuiliaj Jehová ijkuak tikpejpenaskej se tekitl?

    • “Ayakmo moteuiskej ika espadas se ueyi altepetl iuan okse, nion momachtiskej guerra” (Miq. 4:3).

    • “Xikisakah de Babilonia, iwa amo xitlajtlakochiwakah iwa non mekatanajsiwatl, para amo mawetsi nomopah n tlaijyowílistli non ipa wits” (Apoc. 18:4).

23. ¿Tlen tikchiuas uan tlen amo tikchiuas ijkuak timoyolpaktis?

    • “Jehová [...] kikokolia akin kipaktia moteuis” (Sal. 11:5).

    • “Xiktlawelitakah nochi tlan amokuali, iwa xikchiwakah tlan kuali” (Rom. 12:9).

    • “Nochipa xikpixtokah itech nomotlamachilis tlan milák, tlan kipia nonkitlakitaskeh, tlan mijmilaktik, tlan chipawak, tlan teyolpakti iwa tlan moneki se kiyektenewas. Xikilnamikikah nochi tlan kuali iwa tlan moneki se kuali kiyektenewas” (Filip. 4:8).

24. ¿Tleka iTlaixpantijkauan Jehová amo monelouaj iuan okseki religiones?

    • “Nion weletis nontlakuaskeh itech imesa n Toteko [Jehová], iwa itech inmesa n demóniojteh” (1 Cor. 10:21).

    • “Kijtoa n Toteko Dios: ‘Xikinkakajtewakah, iwa ayakmó inwah ximonelokah; amo xiktelkokah tlan teyolijtlakoa. Ijkuakó Ne nomechselis’” (2 Cor. 6:17).

25. ¿Tlen principios mitspaleuiskej para uelis tikmatis kox tias se iluitl?

    • “Omonelojkej iuan uejueyij altepemej uan okichijkej ken yejuan. Uan yejuan ok okintekichiuiliayaj inteotsitsiuan uan ninmej omochijkej para yejuan ken se mekatl tlen ika kinkitskiaj yolkamej” (Sal. 106:35, 36).

    • “Akinmej yoixpolikej ayakmo itlaj kimatij” (Ecl. 9:5).

    • “Ijkó kemi Ne amo de nin tlaltíkpaktli, yejwah noiwa ayakmó de nin tlaltíkpaktli” (Juan 17:16).

    • “Miak xiwitl nomejwah ononkichijtinenkeh tlan kiwilitah kichiwaskeh akimeh amo kitlakitah Dios. Ononmoixpolojtinemiah iwa ononkichiwayah tlan kelewiah nomokuerpo, onontlawantinemiah, ononmopaktijtinemiah itech ilwimeh pitsotikeh. Iwa tlan okachi tetlajyalti, ononkinweyijkatlaliayah diosmeh non san kinmachijchiwah” (1 Ped. 4:3).

26. ¿Ken mitspaleuis tlen kijtoua Biblia para tikmatis kox tiiluichiuas ijkuak ikaj kajxitia xiuitl?

    • “Itech eyi tonal Faraón okajxiti xiuitl uan ye okichi se iluitl para nochtin itekipanojkauan uan okiualikak inmixpan itekipanojkauan intlayekanki coperos uan intlayekanki akinmej opanchiuayaj. Uan intlayekanki coperos oksepa okitlali kanin otekitiaya [...]. Pero intlayekanki akinmej opanchiuayaj okipilo” (Gén. 40:20-22).

    • “Ijkuak omoxiujtili Herodes Antipas, ichpoch n Herodías, omijtoti inmixpa nochteh n tlatlálwilteh, iwa satlawel okiwelitak n Herodes. Ompa Herodes okimák itlajtol, kimakas san tlan ye kitlajtlanilis. Ijkuakó n íchpochtli achto omotlapowi iwan imamá iwa sanima okili n Herodes: ‘Techmaka itsonteko n Juan Bautista itech se tlakualkaxitl’”. “[Tekiua] otlanawati makikechtsontekitih n Juan kan otsaktoka” (Mat. 14:6-8, 10).

27. ¿Tleka tikneki tikchiuas tlen kijtouaj tlayekankej?

    • “Xikintlakitakah akimeh nomechyakanah iwa xikchiwakah tlan nomechnawatiah, porke yejwah [namechmaluiaj], iwa kuali kimatokeh Dios kintlajtlanis kenomi onomechyakankeh. Xikintlakitakah para makichiwakah intekih ika pakílistli, iwa amo san matsoyontokah. Porke noni amitla nomechpalewis” (Heb. 13:17).

28. ¿Tleka tejuatsin uan mofamilia moneki nochipa nanmomachtiskej tlen kijtoua Biblia?

    • “Ye moyolpaktia ika itlanauatil Jehová uan tonal uan youak ichtakatsin kitlajtoltia itlanauatil. Uan melauak mochiuas ken se kuauitl tlen toktok itempa aueyatl, tlen kitemaka itlakilo ijkuak itonal uan ixijyo amo keman uaki uan nochi tlen kichiuas kuali kisas” (Sal. 1:2, 3).

29. ¿Tleka mitspaktia timonechikos uan titlanankilis?

    • “Motoka nikinmatiltis nokniuan uan nimitsueyichiuas itech tlanechikol” (Sal. 22:22).

    • “Matiktemolikah kenijki timosepampapalewiskeh, matimotlasojtlakah iwa matikchiwakah tlan kuali. Yika, nochipa matimololokah iwan oksikimeh tokniwah, amo matikchiwakah kemi sikimeh yomomatkeh amo kinekih mololoskeh. Tejwah moneki matimosepanyolchikawakah, iwa axa okachi por ya tikitah n tonati [...] ya walajsi” (Heb. 10:24, 25).

30. ¿Tlen tekitl miak ipati okijto Jesús ma tikchiuakan?

    • “Xiakan xikinchiuakan nomachtijkauan itech nochi altepemej, xikinapolaktikan, [...] xikinmachtikan ma kichiuakan nochi tlen onamechnauati” (Mat. 28:19, 20, TNM).

31. ¿Ken kipaktia Jehová ma tiktemakakan totomin para ma motetlapoui noso ijkuak tikinpaleuiaj tokniuan?

    • “Xikueyichiua Jehová ika tlamantli miak ipati tlen tikpia” (Prov. 3:9).

    • “Xiktemakakah ijkó kemi yononkitlalijkeh itech nomoyolo, amo manomechixkoko nion xiktemakakah ijkuak nomechchijchikawah, porke Dios kitlasojtla akin kitemaka ika pakílistli” (2 Cor. 9:7).

32. ¿Kox techtlajyouiltiskej akinmej tikchiuaj ken Cristo?

    • “Mapakikah akimeh [kintlajyouiltiaj] por kichiwah tlan Dios kineki, porke inmaxka [iTekiuajkayo toTajtsin Dios]. Mapakikah ijkuak fiero kintenewah, [kintlajyouiltiskej] iwa kinwikaltiskeh por nechtlakitah. Ijkuakó xipakikah porke nonkiseliskeh se weyi tlatliokólili kan ilwikak. Ijkó noiwa okintlaijyowiltijkeh n profetas non yonenkeh ijkuak nomejwah ayamó ononkatkah” (Mat. 5:10-12).

33. ¿Tleka se ueyi tlateochiualistli timoapolaktis uan tiyetos iTlaixpantijka Jehová?

    • “Motlajtol kichiua ma niyolpaki; porque nikuika motoka, oh Jehová Dios” (Jer. 15:16).