¿Tiktekitiltijtok nochi tlen ika tlamachtia Jehová?
1. ¿Tlen tlamachtil kichijtok Jehová?
1 Jehová akin Kuali Tlamachtia, kipatioita miak kuali ma momachtikan itekipanojkauan (Is. 30:20). Axkan kiyekantok se tekitl tlen kinpaleuia sapanoa miakej. Ijkon ken okijto teotlajtojki Isaías, sapanoa miakej tlaltikpaktlakamej itech nochi Tlaltikpak ken yaskiaj itech “tepetl kanin kajki ichan Jehová” (Is. 2:2). ¿Tleka ijkon kichiuaj? Pampa kiseliskej itlamachtil Jehová (Is. 2:3).
2. ¿Ken tlapaleuia tlamachtil tlen kitemaka Jehová?
2 Kuali techmachtia. ¡Sapanoa yotechpaleui tlamachtil tlen techmaka Jehová! Yitikmatij tlen itoka toTajtsin Dios uan totech motekipachoa (Sal. 83:18; 1 Ped. 5:6, 7). Uan noijki yotechnankili ninmej tlajtlanilmej: ¿Tleka titlajyouiaj uan timikij? ¿Ken uelis tiyolpakiskej? ¿Tleka tiyoltokej? Pero amo san non, Jehová yotechmachti tlanauatilmej tlen katej itech Biblia tlen techmachtiaj ken kuali tikpiaskej toyolilis uan tikchiuaskej tlen ye kineki (Jos. 1:8).
3. ¿Ken kinpaleuia Jehová tlaltikpaktlakamej ika tlamachtil tlen kitemaka?
3 Jehová noijki kinmachtia akinmej amo ueli kitlajtoltiaj se amatl noso amo tlajkuiloaj. Itech tlanechikolmej tlamachtiaj pampa uelis kitlajtoltiskej se amatl noso tlajkuiloskej, uan nin kinpaleuia tokniuan uan akinmej kinekij okachi kimatiskej itech toTajtsin Dios. Tla moneki, tlayekankej kitaskej ken mochiuas tlamachtil. Kinmachtiaj ma kimatikan ken kitlajtoltiskej se amatl uan tlajkuiloskej pampa uelis momachtiskej Biblia uan kinmachtiskej oksekimej (km-S 10/11 pág. 4; be-S págs. 21-23). Tla tiktekitiltiaj nochi tlen Jehová techmaka, techpaleuia kuali ma tiyetokan axkan uan noijki itech xochitlali (Sal. 119:105; Juan 17:3).