ToTajtsin Dios kineki ma tikmatikan tlen kichiuas

Yiuejkika toTajtsin Dios okintekitilti profetas uan ángeles uan ijkon omotlapoui iuan akinmej ochantiayaj nikan tlaltikpak. Ye okichi ma kijkuilokan tlen kineki ma tikmatikan uan nochi tlen kichiuas. Techiluia satepan tiyolpakiskej pero xamo timotlajtlaniaj kanin ijkuilitok tlen okijto.

Tlen toTajtsin Dios kineki ma tikmatikan ijkuilitok itech iTlajtol (2 Timoteo 3:16). ¿Ken okinmatilti profetas tlen okinekiaya ma kijkuilokan? ToTajtsin Dios okinyekanki sekimej tlakamej ma kijkuilokan tlen mokuayejyekoua (2 Pedro 1:21). Ma tikijtokan se tlakatl kiluia itlakeual ma kijkuilili se carta. Pero amo uelis tikijtoskej carta iaxka itlakeual, iaxka tlakatl. Noijki ijkon toTajtsin Dios okinnauati tlakamej ma kijkuilokan iTlajtol pero ye iaxka tlen okijkuilojkej.

NOCHTIN UELIS KIMATISKEJ TLEN KIJTOUA ITLAJTOL TOTAJTSIN DIOS

ToTajtsin Dios kineki nochtin ma kitlajtoltikan iTlajtol uan ma kajsikamatikan. Axkan “nochteh akimeh chantitokeh ipan tlaltíkpaktli, itech nochteh paísmeh, innawak nochteh non tlatlamantli tlachixtokeh, innawak nochteh akimeh tlatlamantli tlajtoah, iwa itech nochteh n altepemeh” uelis kimatiskej “kualitlájtoli de Dios” (Apocalipsis 14:6). ToTajtsin Dios yokichi ma kitlajtolkopakan iTlajtol ajsitok noso san tlajko ika kanaj tres mil tlajtolmej. San nin amochtli okachi yokitlajtolkopkej.