“Amo nochtin tlaneltokaj”

Moneki tikneltokaskej Jehová tla tiknekij tikyolpaktiskej pero Biblia kijtoua “amo nochtin tlaneltokaj” (2 Tes. 3:2). Ijkuak apóstol Pablo okijkuilo nin tlajtoli, okinmiluijtoka “tlakamej amo yolkualmej” tlen okitlajyouiltiayaj ikinon omonekiaya makimakixtikan. Pero tlen okijto noijki okinmilui oksekimej. Matikitakan tleka ijkon tikijtouaj. Miakej amo kineltokaj toTajtsin Dios otlachijchi maski kitaj miak tlamantli tlen kiteititia ye kajki (Rom. 1:20). Oksekimej san kijtouaj onka akin kipia chikaualistli pero non amo kijtosneki kineltokaj Jehová.

Moneki tikneltokaskej toTajtsin Dios kajki tla tiknekij tikyolpaktiskej uan noijki tikneltokaskej kinteochiua akinmej kineltokaj (Heb. 11:6). Matikiluikan Jehová matechmaka iespíritu santo para matechpaleui matitlaneltokakan (Luc. 11:​9, 10, 13). Noijki tla tiknekij tikseliskej iespíritu santo moneki tiktlajtoltiskej Biblia porque ye iaxka. Satepan matimokuayejyekokan tlen otiktlajtoltijkej uan matikchiuakan tlen otimomachtijkej. Ijkon espíritu santo techyekanas uan techpaleuis matitlaneltokakan ijkon ken Jehová kipaktia.