Xikita kanin uelis timomachtis

¿Mitspaktiskia okachi mamitspaleui tlen timomachtia? Nin uelis tikchiuas para okachi kuali timomachtis.

• Xikpejpena kanin uelis timomachtis. Uelis tikpejpenas kanin mayeto tlachipauak uan kanin okachi tlanestok para tiktlajtoltis tlen timomachtis. Ximomachti ipan se mesa noso kiauak kanin uelis timomachtis.

• Xikpejpena kanin uelis tiyetos moselti. Jesús ijkon okichi ijkuak “oyajki iselti” omotlatlaujtito. Ijkon okichi “kualkan ijkuak ok tlayoua” (Mar. 1:35). Tla tichanti iuan mofamilia uan tikita oui tiyetos moselti, xikinmilui keman tikneki timomachtis uan ijkon amo mamitskuejsokan.

• Amitlaj mamitstlapololti. Tla timomachtia ika moteléfono noso ika motableta, xiktlalili amo matsilini ijkuak ikaj mitsnotsas noso ijkuak mitsualtitlaniliskej se mensaje. Noijki uelis tiktlalilis amikaj mamitsnotsa uan ijkon amo mitstlapololtiskej. Tla ijkuak timomachtijtos tikilnamikis itlaj moneki tikchiuas xikijkuilo uan satepan xikchiua. Noijki tla san timokuayejyekojtok okseki tlamantli, tepitsin xinemiti noso ximotlatstilana.