17 Yikho-ke insimu ka-Efroni eyayiseMakhaphela, phambi kweMamre, insimu kanye lobhalu olwaluphakathi kwayo lazo zonke izihlahla ezaziphakathi kwemingcele yayo, kwaqinisekiswa ukuthi 18 sekuyimpahla ka-Abrahama ayithenge phambi kwamadodana kaHethi laphambi kwabo bonke ababesegedini ledolobho.

9 Amadodana akhe u-Isaka lo-Ishmayeli amngcwaba ebhalwini lweMakhaphela ensimini eyayiphambi kweMamre, eyayingeka-Efroni indodana kaZohari umHithi.+ 10 Insimu le yayithengwe ngu-Abrahama emadodaneni kaHethi njalo yikho lapho okwangcwatshwa khona u-Abrahama lomkakhe uSara.+

27 Ekucineni uJakhobe wafika lapho okwakuloyise u-Isaka eMamre+ emangweni waseKhiriyathi-abha okutsho iHebroni, lapho u-Abrahama lo-Isaka ababehlala khona njengabezizweni.+

29 Ngemva kwalokho wabatshela wathi: “Khathesi sengizazifela njengabanye abantu bakithi.+ Lingingcwabe lapho okwangcwatshwa khona obaba ebhalwini olusensimini ka-Efroni umHithi,+ 30 ubhalu olusensimini yeMakhaphela phambi kweMamre elizweni laseKhenani. Insimu le yathengwa ngu-Abrahama ku-Efroni umHithi ukuthi ibe yindawo yokungcwaba.