19 Kanti njalo kuyo yonke imihlobo yezidalwa eziphilayo,+ kumele uthathe kokubili okuduna lokusikazi,+ ukungenise emkhunjini ukuze kulondolozwe kanye lawe; 20 izidalwa eziphaphayo kusiya ngemihlobo yazo, izinyamazana ezifuywayo kusiya ngemihlobo yazo, lazo zonke izinanakazana kusiya ngemihlobo yazo. Ngakubili kuzakuza kuwe kungene emkhunjini ukuze kulondolozwe.+

14 Bangena emkhunjini lazo zonke inyamazana zeganga ngemihlobo yazo, lazo zonke inyamazana ezifuywayo ngemihlobo yazo, lazo zonke izinanakazana ezisemhlabeni ngemihlobo yazo, lazo zonke izidalwa eziphaphayo ngemihlobo yazo, zonke nje inyoni lezidalwa zonke ezilempiko. 15 Zaqhubeka zingena ngambili emkhunjini lapho uNowa ayekhona, yonke nje imihlobo yezinto eziphilayo.*