3 UMosi wasesithi ebantwini: “Khumbulani ilanga leli elisuke ngalo ebugqilini elizweni laseGibhithe+ ngoba uJehova ulikhiphe lapha+ ngesandla esilamandla. Ngakho akulalutho olulemvubelo okumele ludliwe.

8 Kumele utshele lendodana yakho ngalelolanga uthi, ‘Kungenxa yalokho engakwenzelwa nguJehova ngesikhathi ngiphuma eGibhithe.’+

9 “Ngakho nanzelelani njalo liqaphelisise, lingazikhohlwa zonke izinto elizibone ngamehlo enu ukuze zingasuki enhliziyweni zenu kuzo zonke insuku zokuphila kwenu. Kanti njalo kumele lizifundise abantwabenu labazukulu benu.+

20 “Ngesikhathi esizayo nxa umntanakho angakubuza athi: ‘Kungani uJehova uNkulunkulu wakho wakunika izikhumbuzo lezi lemilayo kanye lemithetho yokwahlulela?’ 21 Kumele umphendule uthi, ‘Saba yizigqili zikaFaro eGibhithe kodwa uJehova wasikhipha eGibhithe ngesandla esilamandla. 22 Sazibonela ngawethu uJehova eqhubeka esenza izimangaliso lezibonakaliso ezinkulu lezesabekayo phezu kweGibhithe,+ laphezu kukaFaro laphezu kwabo bonke abemuli yakhe.+