8 Ngemva kwalokho wenza isikhwama sesifubeni+ esebenzisa igolide, lohali oluluhlaza okwesibhakabhaka, lewulu eyibubende, lohali olubomvu kanye lelineni elohlonzi ephothiweyo.+ Sasingumsebenzi owenziwe yingcitshi yokuthunga, sithungwe njenge-efodi. 9 Nxa sigoqiwe, isikhwama lesi sasilingana amacele womane njalo ubude baso lobubanzi baso babulingana lobubanzi besandla.* 10 Bafaka kuso imizila emine yamatshe aligugu. Emzileni wokuqala kwakulerubhi lethophazi le-emeraldi. 11 Emzileni wesibili kulethekhoyisi lesafire lejaspa. 12 Emzileni wesithathu kuleleshemu* le-agathe le-amethisithi. 13 Emzileni wesine kulekhrisolithe le-onekisi lejedi. Amatshe la ayefakwe phakathi kwezibambiso zegolide. 14 Inani lamatshe la lalilingana lamabizo amadodana ka-Israyeli angu-12 njalo amabizo la ayebhalwe njengophawu lwesidindo. Ibizo ngalinye lalimela isizwana ngasinye kwezingu-12.