24 Nanzi izinto okumele abemuli yamaGeshoni bazinakekele njalo bazithwale:+ 25 Bazathwala amalembu etende lethabanikeli,+ itende lokuhlangana, lesembozo salo sezikhumba zenyamazana yolwandle esiphezu kwalo,+ lekhetheni elisemnyango wetende lokuhlangana,+ 26 lamakhetheni afakwe egumeni,+ lekhetheni elisegedini leguma+ eligombolozele ithabanikeli kanye le-alithare, lentambo zetende, lazo zonke izitsha kanye lakho konke okusetshenziswa enkonzweni yalo. Lo yiwo umsebenzi wabo.