23 Athi efika esigodini* se-Eshikholi,+ aquma ugatsha olwalulelixha lamagilebisi elalisinda okokuthi kwakumele luthwalwe ngamadoda amabili elugaxe esigodweni njalo akha lamaharinathi kanye lamakhiwane.+ 24 Abiza indawo leyo ngokuthi yisigodi se-Eshikholi*+ ngenxa yelixha elaqunywa ngama-Israyeli kuleyondawo.

25 Ngemva kwamalanga angu-40+ aphenduka evela hlola ilizwe. 26 Ngakho afika kuMosi lo-Aroni labo bonke abantu bako-Israyeli enkangala yePharani eKhadeshi,+ ethulela bonke abantu umbiko njalo abatshengisa lezithelo zalelolizwe. 27 Nanku umbiko awutshela uMosi: “Sihambile elizweni osithume kulo, lilizwe eligeleza uchago loluju+ sibili futhi nanzi lezithelo zalo.+