• ULevi 23:40
    IBhayibhili Elingcwele

    • 40 Ngelanga lokuqala lizathatha izithelo zezihlahla ezinhle, lamahlamvu ezihlahla zelala,+ lengatsha zezihlala ezilamahlamvu amanengi kanye lezezihlahla zomphophula ezisesigodini njalo lizathokoza+ phambi kukaJehova uNkulunkulu wenu okwamalanga ayisikhombisa.+

  • UDutheronomi 12:12
    IBhayibhili Elingcwele

    • 12 Lizathokoza phambi kukaJehova uNkulunkulu wenu,+ lina lamadodana enu, lamadodakazi enu, lezigqili lezigqilikazi zenu kanye lamaLevi aphakathi kwamadolobho* enu njengoba engaphiwanga isabelo loba ilifa phakathi kwenu.+

  • UDutheronomi 12:18
    IBhayibhili Elingcwele

    • 18 Izinto lezi kumele liyezidlela phambi kukaJehova uNkulunkulu wenu endaweni uJehova uNkulunkulu wenu azayikhetha,+ lina kanye lamadodana enu, lamadodakazi enu, lezisebenzi zenu zesilisa lezesifazana kanye lamaLevi aphakathi kwamadolobho* enu njalo lizathokoza phambi kukaJehova uNkulunkulu wenu kukho konke elikwenzayo.

  • UDutheronomi 14:23
    IBhayibhili Elingcwele

    • 23 Uzakudla okwetshumi kwamabele akho, lokwewayini lakho elitsha, lokwamafutha akho kanye lamazibulo enkomo zakho lawezimvu lawembuzi, phambi kukaJehova uNkulunkulu wakho endaweni azayikhetha ukuthi ibizo lakhe lihlale kuyo,+ ukuze ufunde ukuhlala umesaba uJehova uNkulunkulu wakho.+

  • UDutheronomi 14:26
    IBhayibhili Elingcwele

    • 26 Imali leyo usungayisebenzisa ukuthenga loba yini oyifunayo, kungaba zinkomo, izimvu loba imbuzi, iwayini loba eminye imihlobo yotshwala kumbe okunye nje okuthandayo, njalo uzakudla phambi kukaJehova uNkulunkulu wakho uthokoze wena labendlu yakho.+