26 “Khangelani, sengifaka isibusiso lesiqalekiso phambi kwenu lamuhla.+ 27 Nxa lingalalela imithetho kaJehova uNkulunkulu wenu engilinika yona lamuhla, lizathola izibusiso.+ 28 Kodwa nxa lingayekela ukulalela imithetho kaJehova uNkulunkulu+ wenu njalo liphambuke endleleni engilitshela ukuthi liyilandele lamuhla, beselilandela abanye onkulunkulu elingabaziyo, lizaqalekiswa.

2 Izibusiso zonke lezi zizakwehlela phezu kwenu ngobunengi bazo+ ngenxa yokuthi liyabe liqhubeka lilalela ilizwi likaJehova uNkulunkulu wenu:

15 “Kodwa nxa lingayekela ukulalela ilizwi likaJehova uNkulunkulu wenu ngokuba leqiniso lokuthi liyayilandela yonke imithetho yakhe lemilayo yakhe engilinika yona lamuhla, iziqalekiso zonke lezi zizakwehlela phezu kwenu futhi zizaligijimisa zize zilifice:+