• 2 ImiLando 2:6
    IBhayibhili Elingcwele

    • 6 Ngubani ongenelisa ukumakhela indlu? Phela lezulu ngokwalo, lona kanye izulu lamazulu alenelisi ukumthwala.+ Manje mina ngingubani ukuthi ngimakhele indlu? Engingakwenza nje yikumakhela indlu yokwenzela iminikelo yokutshiswa.

  • 2 ImiLando 6:18-21
    IBhayibhili Elingcwele

    • 18 “Kambe wena Nkulunkulu ungahlala labantu emhlabeni?+ Phela izulu ngokwalo, lona kanye izulu lamazulu alenelisi ukukuthwala.+ Pho indlu le engikwakhele yona ke?+ Incane kakhulu! 19 Awu Jehova Nkulunkulu wami, khathesi ngicela ulalele umthandazo wenceku yakho, lesicelo sayo sokuthi ube lomusa kuyo. Ngicela uyizwe inceku yakho ekhalela uncedo, uzwe lomthandazo ewuthandaza phambi kwakho. 20 Amehlo akho kawahlale ekhangele indlu le ebusuku lemini, akhangele indawo le owathi ibizo lakho lizakuba kuyo,+ ukuze ulalele umthandazo inceku yakho ewenza ikhangele endaweni le. 21 Kwangathi ungalalela inceku yakho nxa ithandaza icela uncedo, ulalele lezicelo abantu bakho bako-Israyeli abazenza bekhangele endaweni le.+ Sengathi ungezwa usendaweni yakho yokuhlala ezulwini,+ uzwe njalo uthethelele.+

  • UNehemiya 9:6
    IBhayibhili Elingcwele

    • 6 “Wena wedwa unguJehova,+ nguwe owenza amazulu aphakemeyo lakho konke okukuwo,* wenza lomhlaba lakho konke okukuwo, lolwandle lakho konke okukulo. Konke lokhu kugcinwe nguwe njalo ibutho elisemazulwini* liyakukhothamela.