• UDutheronomi 12:2, 3
    IBhayibhili Elingcwele

    • 2 Kumele lidilize ngokupheleleyo zonke indawo lapho izizwe elizazithathela ilifa lazo ezikhonzela khona onkulunkulu bazo,+ kungaba sezintabeni ezinde, emaqaqeni loba kwesinye nje isihlahla esiyisithingithingi. 3 Kumele lidilize ama-alithare azo, liphahlaze insika zazo ezingcwele,+ litshise lezithombe zazo zika-Ashera* njalo ligamule lezithombe ezibaziweyo zabonkulunkulu bazo,+ licitshe amabizo abo kuleyondawo.+

  • U-Isaya 57:5
    IBhayibhili Elingcwele

    •  5 Ayisini yini elitshiswa yimizwa lingaphansi kwezihlahla ezinkulu,+

      Ngaphansi kwazo zonke izihlahla eziluhlaza,+

      Libulalela abantwabenu ezigodini,+

      Ezingoxweni zamadwala?*

  • UJeremiya 2:20
    IBhayibhili Elingcwele

    • 20 ‘Ngephula ijogwe lakho+ kudala,

      Ngaqamula lamaketane akho.

      Kodwa wena wathi: “Angisoze ngikukhonze.”

      Walala wazichaya,

      Ufeba+ phezu kwawo wonke amaqaqa aphakemeyo, langaphansi kwazo zonke izihlahla eziyizithingithingi.+

  • UHosiya 4:13
    IBhayibhili Elingcwele

    • 13 Benza imihlatshelo eziqongweni zezintaba,+

      Bathunqise intuthu yemihlatshelo emaqaqeni,

      Langaphansi kwezihlahla zom-okhi lezomstorakhi lakuzo zonke izihlahla ezinkulu,+

      Ngoba zilomthunzi omuhle.

      Yikho amadodakazi akho ethengisa umzimba,*

      Labomalukazana bakho belala lamanye amadoda.