• 2 USamuyeli 7:8
    IBhayibhili Elingcwele

    • 8 Ngakho tshela inceku yami uDavida uthi, ‘Nanku okutshiwo nguJehova wamabutho: “Ngakuthatha emadlelweni uselusa izimvu+ ukuze ube ngumkhokheli wabantu bami bako-Israyeli.+

  • IHubo 89:33-37
    IBhayibhili Elingcwele

    • 33 Kodwa angisoze ngiyekele ukuba lothando oluqotho kuye,+

      Ngizasigcwalisa isithembiso sami.

      34 Angisoze ngisephule isivumelwano sami+

      Kumbe ngitshintshe lokho engikukhulume ngomlomo wami.+

      35 Ngifunge ngobungcwele bami,

      Ngifunge kanye angisoze ngiphinde.

      Ngeke ngitshele uDavida amanga.+

      36 Izizukulwane zakhe zizahlala kuze kube nini lanini.+

      Isihlalo sakhe sobukhosi sizahlala sikhona phambi kwami njengelanga.+

      37 Sizamiswa siqine, sihlale kuze kube phakade njengenyanga,

      Engufakazi othembekileyo esibhakabhakeni.” (Selah)

  • UJeremiya 33:20, 21
    IBhayibhili Elingcwele

    • 20 “Nanku okutshiwo nguJehova, ‘Njengoba nje lingeke lenelise ukwephula isivumelwano engasenza lelanga, lesivumelwano engasenza lobusuku, lenze ukuthi kungabi lelanga kumbe ubusuku ngesikhathi esifaneleyo,+ 21 ngeke lenelise ukwephula isivumelwano engasenza lenceku yami uDavida,+ lenze ukuthi kungabi lendodana yakhe ezahlala esihlalweni sakhe sobukhosi ibuse.+ Alisoze lenelise lokwephula isivumelwano sami labaphristi abangamaLevi, abenza inkonzo engcwele phambi kwami.+