32 U-Elisha wathi efika endlini wathola umfana elele embhedeni wakhe efile.+

34 Ngemva kwalokho wakhothama walala phezu komntwana, umlomo wakhe waqondana lowomntwana, lamehlo akhe aqondana lawomntwana njalo izandla zakhe wazibeka phezu kwezomntwana. Waqhubeka elokhu elele phezu kwakhe, umzimba womntwana waze waqalisa ukukhudumala.+

21 Amanye amadoda athi engcwaba enye indoda abona iqembu lamabutho ayezohlasela, ahle aphosela isidumbu sendoda leyo lapho okwakungcwatshwe khona u-Elisha abaleka. Indoda eyayifile yathi ithinta amathambo ka-Elisha yavuka+ yama ngenyawo.

15 Lakanye ijaha lelo lavuka lahlala laqalisa ukukhuluma, uJesu waselibuyisela kunina.+

54 Kodwa yena wambamba isandla wamemeza wathi: “Mntwana, vuka!”+ 55 Umntwana waqalisa ukuphefumula,*+ wahle wasukuma.+ UJesu wasesithi kaphiwe ukudla.

28 Akungalimangalisi lokhu ngoba isikhathi siyeza lapho bonke abasemathuneni* abazalizwa khona ilizwi layo+ 29 baphume, ababesenza izinto ezinhle bavukele ukuphila, kuthi labo ababesenza izinto ezimbi bavukele ukwahlulelwa.+

44 Indoda eyayifile yaphuma ithandelwe ngamaqhele enyaweni lasezandleni, lobuso bayo buthandelwe ngelembu. UJesu wasesithi kubo: “Mthukululeni limyekele ahambe.”

40 UPhetro wakhiphela wonke umuntu phandle,+ waguqa wathandaza. Wasetshibilika wakhangela isidumbu wathi: “Thabitha, vuka!” Wathi evula amehlo wabona uPhetro, wasevuka wahlala.+ 41 UPhetro waqhuba isandla wamsukumisa, wasebiza abangcwele labafelokazi wabatshengisa ukuthi uThabitha wayesephila.+

9 Ewindini kwakuhlezi elinye ijaha okuthiwa nguYuthikhu laselijunywa yibuthongo uPhawuli elokhu ekhuluma, lalala nya. Lawa lisuka esitezi sesithathu balidobha selifile. 10 UPhawuli wehla waya phansi, wafika waziphosela phezu kwalo waligona+ wasesithi: “Yekelani ukuxokozela, uyaphila.”+

9 UKhristu wafa waphinda waphila ukuze abe yiNkosi yabafileyo labaphilayo.+

17 Ngokholo u-Abrahama wathi elingwa,+ kwaba angathi usenikele ngo-Isaka. (Indoda le eyayizamukele ithokoza izithembiso yazama ukunikela ngendodana yayo ezelwe yodwa.)+

19 Kodwa yena wazitshela ukuthi uNkulunkulu uyenelisa ukuyivusa indodana yakhe lanxa ingafa, waseyamukela ivela kwabafileyo ngendlela engumfanekiso.+