2 “Tshela abako-Israyeli ukuthi elifeni labo abazalithola+ kumele banike amaLevi amadolobho azahlala kuwo njalo bawanike lamadlelo aseduze kwamadolobho lawo.+ 3 AmaLevi azahlala emadolobheni lawo njalo amadlelo akhona azakuba ngawezifuyo zawo, lempahla yawo kanye lazo zonke ezinye izinyamazana zawo. 4 Amadlelo asemadolobheni elizawanika amaLevi azaqhela okomango ozingalo* ezingu-1 000 nxa usuka emdulini wedolobho kuwo wonke amacele alo.