• 1 AmaKhosi 9:27, 28
    IBhayibhili Elingcwele

    • 27 UHiramu wathuma izisebenzi zakhe ezazijayele ukuhamba ngemikhumbi+ kanye labatshayeli bemikhumbi ababelwazi kuhle ulwandle ukuthi bayesebenza lezisebenzi zikaSolomoni. 28 Izisebenzi lezi zaya e-Ofiri+ zayathatha igolide elingamathalenta angu-420 zaliletha enkosini uSolomoni.

  • 1 AmaKhosi 10:22
    IBhayibhili Elingcwele

    • 22 Inkosi yayilemikhumbi eminengi yeThashishi+ elwandle. Imikhumbi le yayindawonye lemikhumbi kaHiramu. Yayibuya kanye ngemva kweminyaka emithathu ithwele igolide, lesiliva, lempondo zendlovu,+ lenkawu, lamaphikhokho.

  • 2 ImiLando 8:18
    IBhayibhili Elingcwele

    • 18 UHiramu+ wathumela kuye izisebenzi zakhe lemikhumbi kanye labatshayeli bemikhumbi ababelwazi kuhle ulwandle. Bahamba lezisebenzi zikaSolomoni e-Ofiri+ bayathatha igolide+ elingamathalenta* angu-450 baliletha enkosini uSolomoni.+