24 “‘Lingazingcolisi ngaloba yini ezintweni lezi ngoba izizwe engizazidudula phambi kwenu zizingcolisile ngezinto zonke lezi.+

30 nanzelelani lingalandeli indlela zazo nxa sezitshabalalisiwe phambi kwenu njalo lingabuzi ngabonkulunkulu bazo lithi, ‘Kanti vele izizwe lezi bezibakhonza njani onkulunkulu bazo? Lathi sizakwenza okufananayo.’+ 31 Akumelanga lenzele uJehova uNkulunkulu wenu into enjalo ngoba abantu bezizwe lezi benzela onkulunkulu babo izinto ezenyanyekayo, uJehova azizondayo, baze batshise amadodana lamadodakazi abo emlilweni, benikela ngawo kubonkulunkulu babo.+

9 “Nxa selingenile elizweni uJehova uNkulunkulu wenu alinika lona, akumelanga lilingisele imikhuba eyenyanyekayo eyenziwa yizizwe lezo.+ 10 Phakathi kwenu akumelanga kutholakale loba ngubani otshisa indodana kumbe indodakazi yakhe emlilweni, esenza umhlatshelo ngayo,*+ laloba ngubani ohlahlulayo,+ lowenza amasalamusi,+ lobuza kwabatshaya amathambo,+ loloyayo,+ 11 laloba ngubani ophosa abanye ngamaphoso, lobuza esangomeni+ kumbe emuntwini olomoya wokutshela abantu ngekusasa+ loba obuza kwabafileyo.+