32 Akumelanga lenze isivumelwano labo kumbe labonkulunkulu babo.+

15 Nanzelelani ukuthi alenzi isivumelwano labantu abahlala elizweni lelo ngoba nxa sebekhonza* onkulunkulu babo,+ benikela lemihlatshelo kubo bangacina belinxusa lani ukuthi liyekudla labo imihlatshelo yabo.+ 16 Lizacina lithatha amadodakazi abo ukuthi abe ngabafazi bamadodana enu+ njalo amadodakazi lawo azaqala ukungathembeki ngokukhonza onkulunkulu* babo abesebangela ukuthi lamadodana enu angathembeki ngokukhonza onkulunkulu* babo.+

3 Lingendiselani lazo izizwe lezi. Lingendiseli amadodakazi enu emadodaneni azo kumbe lithathele amadodana enu abafazi phakathi kwamadodakazi azo,+ 4 ngoba azakwenza amadodana enu aphambuke, ayekele ukungilandela ayekhonza abanye onkulunkulu.+ Lapho-ke ulaka lukaJehova luzavutha phezu kwenu ahle alitshabalalise masinyane.+

12 “Kodwa nxa lingaphambuka lilandele izizwe lezi eziseleyo,+ lendiselane lazo+ njalo libe lobudlelwano lazo, 13 lihle lazi ukuthi uJehova uNkulunkulu wenu kasoze aqhubeke ezixotsha phambi kwenu+ izizwe lezi. Zizakuba ngumjibila kini lomchilo wokulibhaxabula emhlane+ kanye lameva emehlweni enu, lize liphele lonke elizweni leli elihle uJehova uNkulunkulu wenu aliphe lona.