29 Lingakhohlwa ukuthi uJehova ulinike iSabatha.+ Yikho elinika isinkwa samalanga amabili ngelanga lesithupha. Wonke umuntu kumele ahlale lapho akhona. Akulamuntu okumele asuke endaweni yakhe ngelanga lesikhombisa.”

8 “Khumbula ilanga leSabatha uligcine lingcwele.+ 9 Kumele usebenze amalanga ayisithupha uqede yonke imisebenzi yakho,+ 10 kodwa ilanga lesikhombisa lisabatha likaJehova uNkulunkulu wakho. Akumelanga wenze loba yiwuphi umsebenzi, wena lendodana yakho, lendodakazi yakho, lesigqili sakho lesigqilikazi sakho kumbe isifuyo sakho loba umuntu wesinye isizwe ohlala lawe,*+ 11 ngoba ngamalanga ayisithupha uJehova wenza amazulu, lomhlaba, lolwandle lakho konke okukukho, waseqalisa ukuphumula ngelanga lesikhombisa.+ Yikho uJehova walibusisa ilanga leSabatha walenza laba ngcwele.

12 “‘Khumbula ilanga leSabatha, uligcine lingcwele njengoba nje uJehova uNkulunkulu wakho etshilo kuwe.+ 13 Kumele usebenze amalanga ayisithupha uqede yonke imisebenzi yakho,+ 14 kodwa ilanga lesikhombisa lisabatha likaJehova uNkulunkulu wakho.+ Akumelanga wenze loba yiwuphi umsebenzi,+ wena lendodana yakho lendodakazi yakho, lesigqili sakho lesigqilikazi sakho, lenkunzi yakho lobabhemi wakho, loba esinye nje isifuyo sakho kumbe umuntu wesinye isizwe ohlala emadolobheni* akini,+ ukuze isigqili sakho lesigqilikazi sakho labo baphumule njengawe.+