• IHubo 15:1-5
    IBhayibhili Elingcwele

    • 15 Awu Jehova, ngonjani umuntu omamukela etendeni lakho?

      Ngubani ongahlala entabeni yakho engcwele?+

       2 Ngulowo ongasolekiyo,*+

      Owenza okuhle,+

      Njalo okhuluma iqiniso enhliziyweni yakhe.+

       3 Kakhulumi amanga ngomunye* umuntu,+

      Kenzi okubi kumakhelwane wakhe,+

      Njalo kagconi* abangane bakhe.+

       4 Kadlelani laloba ngubani owenza izinto ezenyanyekayo,+

      Kodwa uhlonipha labo abesaba uJehova.

      Uyasigcwalisa isithembiso* sakhe lalapho kubuhlungu ukwenza njalo.+

       5 Kaboleki muntu imali yakhe abeseyifuna isizele,+

      Kavumi ukufunjathiswa ukuze athi olungileyo ulecala.+

      Umuntu onjalo kasoze anyikinywe.+

  • IHubo 27:4
    IBhayibhili Elingcwele

    •  4 Ngicele into eyodwa zwi kuJehova,

      Njalo yiyo engiyifisayo.

      Ngifisa ukuhlala endlini kaJehova okwempilo yami yonke,+

      Ukuze ngibone ubuhle bukaJehova,

      Njalo ngikholise ukubuka* ithempeli lakhe.*+

  • IHubo 84:1-4
    IBhayibhili Elingcwele

    • 84 Awu Jehova wamabutho,

      Ngilithanda kakhulu ithabanikeli lakho elikhulu!+

       2 Ngikomele ukuyafika emagumeni kaJehova,+

      Sengize ngiphelelwa ngamandla.

      Ngiyamemeza ngithokoza phambi kukaNkulunkulu ophilayo.

      Ngimemeza ngenhliziyo yami yonke langamandla ami wonke.

       3 Phela lenyoni iyayithola indawo yokuhlala lapho,

      Lenkonjane yakha isidleke sayo khona,

      Lapho egcina khona abantwabayo,

      Eduze le-alithare lakho elikhulu, awu Jehova wamabutho,

      Nkosi yami, Nkulunkulu wami!

       4 Bayathokoza labo abahlala endlini yakho!+

      Bahlala bekudumisa.+

      (Selah)

  • IHubo 84:10
    IBhayibhili Elingcwele

    • 10 Ilanga elilodwa emagumeni akho lingcono kulayinkulungwane kwenye indawo!+

      Ngikhetha ukuma esitubhini sendlu kaNkulunkulu wami,

      Kulokuhlala ematendeni abantu abenza okubi.