• IHubo 115:4-8
    IBhayibhili Elingcwele

    •  4 Izithombe zabo zenziwe ngesiliva langegolide,

      Zenziwe ngabantu.+

       5 Zilomlomo kodwa azikhulumi,+

      Zilamehlo kodwa aziboni.

       6 Zilendlebe kodwa azenelisi ukuzwa,

      Zilamakhala kodwa azenelisi ukuhogela.

       7 Zilezandla kodwa azenelisi ukubamba,

      Zilenyawo kodwa azihambi.+

      Akulamsindo ophuma emphinjeni yazo.+

       8 Abazenzayo bazafanana lazo,+

      Bonke abathembela kuzo bazakuba njengazo.+

  • U-Isaya 46:6
    IBhayibhili Elingcwele

    •  6 Kulabanye abathulula igolide elinengi elisesikhwameni sabo,

      Balinganise isiliva esikalini.

      Baqhatsha umkhandi wensimbi, abesebumba unkulunkulu ngaso.+

      Besebekhothama kuye bamkhonze.+