8 Ngubani owavalela ulwandle ngemva kwezivalo,+

Ngesikhathi amanzi alo ethela?

 9 Wawungaphi ngilwembathisa ngamayezi,

Ngesikhathi ngilugoqela ngobumnyama obukhulu?

10 Wawungaphi ngimisa imingcele yalo,

Ngilufakela izivalo lemigubazi?+

11 Wawungaphi lapho ngisithi, ‘Ungasondela uze ufike lapha, kodwa ungedluli,

Lapha yikho okuzaphelela khona amagagasi akho amakhulu?’+

 7 Ubuthelela amanzi olwandle abe angathi lidamu,+

Amanzi alamagagasi alamandla uwagcina eziphaleni zawo.

Amanzi ayesibekele izintaba,

 7 Wawakhuza abaleka,+

Wakhwaza aphaphatheka.

 8 Izintaba zaphakama,+ izigodi zatshona,

Amanzi aya endaweni owawuwalungisele yona.

 9 Wawafakela umngcele okungamelanga aweqe,+

Ukuze angaphindi asibekele umhlaba.

22 ‘Kanti alingesabi yini?’ kutsho uJehova,

‘Akufanelanga yini lithuthumele phambi kwami?

Phela yimi engafaka itshebetshebe ukuthi ibe ngumngcele wolwandle,

Umngcele ozahlala ukhona, ongeke weqiwe lulwandle.

Lanxa amagagasi alo engaphakama, ngeke aweqe,

Lanxa ehlokoma kawedluli aye ngale kwawo.+