• 1 USamuyeli 16:6, 7
    IBhayibhili Elingcwele

    • 6 Bathi befika uSamuyeli wabona u-Eliyabi+ wasesithi: “Lo nguye sibili ogcotshiweyo kaJehova.” 7 Kodwa uJehova wathi kuSamuyeli: “Ungakhangeli isimo somzimba wakhe lobude bakhe+ ngoba angimkhethanga. Phela indlela umuntu abona ngayo ayisiyo indlela uNkulunkulu abona ngayo, ngoba umuntu ubona okungaphandle kodwa uJehova ubona okusenhliziyweni.”+

  • IZaga 24:12
    IBhayibhili Elingcwele

    • 12 Kodwa nxa ungathi, “Thina besingakwazi lokhu,”

      Lowo ohlola izinhliziyo* uyabe engakuboni yini?+

      Lowo okukhangelayo uzakwazi sibili,

      Njalo uzabuyisela umuntu ngamunye lokho okuhambelana lemisebenzi yakhe.+

  • UJeremiya 17:10
    IBhayibhili Elingcwele

    • 10 Mina Jehova ngihlola inhliziyo,+

      Ngihlolisise lemicabango ejulileyo,*

      Ukuze nginike umuntu ngamunye umvuzo ofanele izenzo zakhe,

      Njalo ohambelana lezithelo zemisebenzi yakhe.+