• 2 AmaKhosi 17:13, 14
    IBhayibhili Elingcwele

    • 13 UJehova wayelokhu ebaxwayisa abako-Israyeli labakoJuda esebenzisa bonke abaphrofethi bakhe labo bonke ababebona imibono,+ esithi: “Tshiyani izindlela zenu ezimbi!+ Gcinani imilayo yami lezimiso zami, lawo wonke umthetho engawunika okhokho benu futhi engathuma izinceku zami ezingabaphrofethi ukuthi zilitshele wona.” 14 Kodwa bona abazange balalele njalo baba yiziqholo njengabokhokho babo ababengelakholo kuJehova uNkulunkulu wabo.+

  • 2 ImiLando 36:15, 16
    IBhayibhili Elingcwele

    • 15 UJehova uNkulunkulu wabokhokho babo wayelokhu ebaxwayisa esebenzisa izithunywa zakhe. Wabaxwayisa ephindaphinda ngoba wayezwela abantu bakhe lendawo yakhe yokuhlala. 16 Kodwa babezihleka izithunywa zikaNkulunkulu weqiniso,+ beseyisa amazwi azo+ njalo bechothoza labaphrofethi bakhe.+ Ulaka lukaJehova lwacina lusehlela phezu kwabantu bakhe+ baze basala bengasancediseki.

  • IHubo 78:8
    IBhayibhili Elingcwele

    •  8 Abasoze bafanane labokhokho babo,

      Ababeyisizukulwane esilenkani futhi esihlamukayo,+

      Esasihlala sitshintshatshintsha ingqondo,*+

      Njalo esasingathembekanga kuNkulunkulu.