3 “‘Nxa lingaqhubeka lilandela imilayo yami, ligcina lemithetho yami futhi lisenza lokho ekutshoyo,+ 4 ngizalinisela izulu ngesikhathi salo+ njalo lomhlabathi uzathela izithelo zawo+ kuthi lezihlahla zeganga zilinike izithelo zazo. 5 Isikhathi senu sokubhula sizaqhubeka kuze kufike isikhathi sokuvuna amagilebisi njalo isikhathi sokuvuna amagilebisi sizaqhubeka kuze kufike isikhathi sokulima, lizakudla ukudla kwenu lisuthe futhi lihlale livikelekile elizweni lenu.+

4 “Abantwabenu bazabusiswa,*+ kubusiswe lesithelo somhlabathi wenu kanye lalokho okuzelwe yizifuyo zenu, amathole enkomo zenu lamazinyane ezimvu zenu.+