• 2 ImiLando 28:19, 20
    IBhayibhili Elingcwele

    • 19 UJehova wamjezisa uJuda ngenxa ka-Ahazi inkosi yako-Israyeli, ngoba wayekela abantu bakoJuda bezenzela umathanda futhi lokhu kwabangela ukuthi benze izono ezinengi phambi kukaJehova.

      20 UThiligathi-philineseri+ inkosi ye-Asiriya wamhlasela futhi wamlethela inhlupho+ kulokuthi amncedise.

  • U-Isaya 7:17
    IBhayibhili Elingcwele

    • 17 UJehova uzakwenza ukuthi wena labantu bakho kanye lendlu kayihlo lifikelwe yisikhathi esinzima esingakaze sibe khona selokhu u-Efrayimi wabhazuka kuJuda,+ ngoba uzathumela inkosi yase-Asiriya+ izokuhlasela.

  • U-Isaya 7:20
    IBhayibhili Elingcwele

    • 20 “Ngalelolanga uJehova uzakuphuca ikhanda lehwanqa elisembaleni esebenzisa ireza ebolekwe esabelweni esiseduze komfula,* yona kanye inkosi yase-Asiriya+ njalo izagela lendevu zakho ziphele du.

  • U-Isaya 10:28-32
    IBhayibhili Elingcwele

    • 28 Usengenile e-Ayathi,+

      Wadabula phakathi kweMigironi,

      Watshiya umthwalo wakhe eMikhimashi.+

      29 Sebechaphile ezibukweni,*

      Balala ubusuku bonke eGebha;+

      IRama iyaqhaqhazela, leGibheya+ kaSawuli isibalekile.+

      30 Khala uhlabe umkhosi we ndodakazi yaseGalimi!

      Lalela wena Layisha!

      Lawe Anathothi+ ozihawulelayo!

      31 IMadimena isibalekile.

      Izakhamizi zeGebhimi sezidinge indawo yokucatsha.

      32 Uzakuma eNobhi+ ilanga lingakatshoni,

      Uzaphakamisa inqindi yakhe akhombele intaba yendodakazi yaseZiyoni,

      Uqaqa lwaseJerusalema.