• 2 AmaKhosi 17:13, 14
    IBhayibhili Elingcwele

    • 13 UJehova wayelokhu ebaxwayisa abako-Israyeli labakoJuda esebenzisa bonke abaphrofethi bakhe labo bonke ababebona imibono,+ esithi: “Tshiyani izindlela zenu ezimbi!+ Gcinani imilayo yami lezimiso zami, lawo wonke umthetho engawunika okhokho benu futhi engathuma izinceku zami ezingabaphrofethi ukuthi zilitshele wona.” 14 Kodwa bona abazange balalele njalo baba yiziqholo njengabokhokho babo ababengelakholo kuJehova uNkulunkulu wabo.+

  • UHosiya 7:10
    IBhayibhili Elingcwele

    • 10 Ukuzigqaja kwabako-Israyeli kufakaza okubi ngabo,+

      Kodwa abazange babuyele kuJehova uNkulunkulu wabo,+

      Kabazange bamdinge lanxa bekusenzakala konke lokhu.

  • U-Amosi 4:6
    IBhayibhili Elingcwele

    •  6 ‘Ngabangela ukuthi kube lendlala kuwo wonke amadolobho enu

      Lokuthi kuswelakale isinkwa ezindlini zenu.+

      Kodwa kalizange liphenduke kimi,’+ kutsho uJehova.