• U-Isaya 2:4
    IBhayibhili Elingcwele

    •  4 Uzakwahlulela phakathi kwezizwe

      Alungise izinto* ukuze ancede abantu abanengi.

      Bazakhanda inkemba zabo zibe yizikali zamakhuba okulima,

      Lemikhonto yabo ibe zingqamu zokuthena izihlahla.+

      Akulasizwe esizaphakamisela esinye inkemba,

      Njalo azisoze ziphinde zifundele ukulwa impi.+

  • U-Isaya 35:9
    IBhayibhili Elingcwele

    •  9 Akusoze kutholakale isilwane kuyo,

      Njalo akulanyamazana zeganga eziyingozi ezizasondela kuyo.

      Kazisoze zitholakale kuyo;+

      Abathengwe nguNkulunkulu yibo kuphela abazahamba kuyo.+

  • U-Isaya 60:18
    IBhayibhili Elingcwele

    • 18 Udlakela alusoze luphinde luzwakale elizweni lakho,

      Lasemingceleni yakho akusoze kuphinde kube lokutshabalalisa lokubhidliza.+

      Imiduli yakho uzayibiza ngokuthi yiNsindiso,+ amagedi akho uwabize ngokuthi yiNdumiso.

  • UMikha 4:4
    IBhayibhili Elingcwele

    •  4 Wonke umuntu uzahlala ngaphansi kwesihlahla sakhe samagilebisi+ langaphansi kwesihlahla sakhe somkhiwa,

      Kakho ngitsho loyedwa ozabenza besabe,+

      Ngoba uJehova wamabutho usekhulumile.*