• 2 AmaKhosi 25:8-10
    IBhayibhili Elingcwele

    • 8 Mhlaka 7 ngenyanga yesihlanu ngomnyaka wesi-19 wokubusa kukaNebhukhadinezari inkosi yeBhabhiloni, uNebhuzaradani+ induna yabalindi, inceku yenkosi yeBhabhiloni, wafika eJerusalema.+ 9 Watshisa indlu kaJehova+ lendlu yenkosi,*+ lazo zonke izindlu ezaziseJerusalema.+ Watshisa lezindlu zonke zamadoda ayehlonitshwa.+ 10 Lonke ibutho lamaKhaledi elalihamba lenduna yabalindi ladiliza imiduli yeJerusalema layiwisela phansi.+

  • 2 ImiLando 34:24, 25
    IBhayibhili Elingcwele

    • 24 “UJehova uthi, ‘Ngizakwehlisela umonakalo endaweni le lakubo bonke abahlala kuyo,+ ngibehlisele lazo zonke iziqalekiso ezibhalwe ebhukwini+ elibalwe phambi kwenkosi yakoJuda. 25 Ngizathulula ulaka lwami phezu kwendawo le njalo alusoze luphele+ ngoba abantu laba bangitshiyile+ batshisela abanye onkulunkulu imihlatshelo, bengithukuthelisa+ ngakho konke abakwenza ngezandla zabo.’”

  • 2 ImiLando 36:16, 17
    IBhayibhili Elingcwele

    • 16 Kodwa babezihleka izithunywa zikaNkulunkulu weqiniso,+ beseyisa amazwi azo+ njalo bechothoza labaphrofethi bakhe.+ Ulaka lukaJehova lwacina lusehlela phezu kwabantu bakhe+ baze basala bengasancediseki.

      17 Ngakho wathuma inkosi yamaKhaledi+ ukuthi ibahlasele, yafika yabulala amajaha ngenkemba+ endlini engcwele.+ Kayizange izwele muntu kungelani lokuthi lijaha, yintombi, ngolupheleyo loba ngogulayo.+ UNkulunkulu wanikela konke esandleni sayo.+

  • IZililo 2:4
    IBhayibhili Elingcwele

    •  4 Umtshoko wakhe usewukhokhile angathi yisitha, isandla sakhe sokudla sesilungele ukuhlasela;+

      Uqhubeke ebulala bonke esibathandayo.+

      Ulaka lwakhe oluvutha njengomlilo+ uluthululele phezu kwetende lendodakazi yeZiyoni.+