53 Lapho-ke lizakudla abantwabenu,* inyama yamadodana enu leyamadodakazi enu+ uJehova uNkulunkulu wenu alinike wona, ngenxa yobunzima bokuvinjezelwa kanye lokuhlupheka okuzabangelwa yisitha senu kini.

54 “Ngitsho lendoda ebuthakathaka futhi elozwelo kakhulu phakathi kwenu ayisoze imzwele umfowabo loba inkosikazi yayo eyithandayo loba abantwabayo abaseleyo, 55 njalo izazidlela yodwa inyama yabantwabayo ngoba iyabe ingelakho okunye, ngenxa yobunzima bokuvinjezelwa kanye lokuhlupheka okuzabangelwa yisitha senu emadolobheni enu.+ 56 Kanti njalo lowesifazana obuthakathaka futhi olozwelo kulabo bonke phakathi kwenu ongeke akucabange ukunyathela ngonyawo lwakhe emhlabathini ngenxa yokuthi ubuthakathaka,+ kasoze amzwele umkakhe loba indodana yakhe kumbe indodakazi yakhe, 57 kasoze azwele ngitsho lalokho okuphuma phakathi kwamathangazi akhe nxa esanda kubeletha kanye labantwana abazalayo. Uzabadlela ensitha ngenxa yobunzima bokuvinjezelwa kanye lokuhlupheka okuzalethwa yisitha senu emadolobheni enu.

3 Mhlaka 9 ngenyanga yesine indlala yayisinzima+ edolobheni, kwakungaselakudla elizweni.+ 4 AmaKhaledi adiliza umduli wedolobho+ avula isikhala. Wonke amabutho eNkosi uZedekhiya abaleka ebusuku aphuma ngegedi eliphakathi kwemiduli emibili duze lengadi yenkosi. Inkosi yabaleka ngendlela eqonda e-Arabha.+ Ngalesosikhathi amaKhaledi ayelokhu egombolozele idolobho. 5 Ibutho lamaKhaledi layixotshanisa inkosi layithola emagcekeni eJerikho. Wonke amabutho ayo abaleka asabalala ayitshiya. 6 AmaKhaledi ambamba uZedekhiya+ amhambisa enkosini yeBhabhiloni eRibhila, lapho afika wagwetshwa khona. 7 Abulala amadodana kaZedekhiya phambi kwamehlo akhe. Ngemva kwalokho uNebhukhadinezari wabulala uZedekhiya amehlo wamenza waba yisiphofu, wasembopha ngamaketane ekhopha wamusa eBhabhiloni.+

16 Waphinda wathi kimi: “Ndodana yomuntu, sengiqeda konke ukudla eJerusalema+ futhi bazakudla isinkwa esikaliweyo+ bekhathazeke kakhulu, banathe amanzi akaliweyo+ beyethukile.