• U-Isaya 11:11
    IBhayibhili Elingcwele

    • 11 Ngalelolanga uJehova uzakwelula isandla sakhe okwesibili ukuze abuyise abaseleyo bakhe abalokhu bese-Asiriya,+ eGibhithe,+ ePhatrosi,+ eKhushi,+ e-Elami,+ eShinari,* eHamathi kanye lasezihlengeni zolwandle.+

  • U-Isaya 35:10
    IBhayibhili Elingcwele

    • 10 Abahlengwe nguJehova bazaphenduka,+ bazafika eZiyoni bememeza ngentokozo.+

      Intokozo engapheliyo izakuba ngumqhele emakhanda abo.+

      Ukujabula lokuthaba kuzakuba ngokwabo,

      Futhi usizi lokububula kuzanyamalala.+

  • UJeremiya 29:14
    IBhayibhili Elingcwele

    • 14 Ngizakwenza ukuthi lingithole,’+ kutsho uJehova. ‘Ngizaqoqa abathunjiweyo benu, ngilibuthe kuzo zonke izizwe lezindawo engilichithachithele kuzo,’+ kutsho uJehova. ‘Ngizalibuyisela endaweni engenza ukuthi lisuswe kuyo.’+

  • UJeremiya 31:8
    IBhayibhili Elingcwele

    •  8 Ngizabaletha besuka elizweni elisenyakatho,+

      Ngibaqoqe bevela ezindaweni ezikhatshana.+

      Phakathi kwabo kuzabe kuleziphofu lezigoga,+

      Kuzabe kulabesifazana abazithweleyo lababelethayo, bonke behlangene.

      Bazaphenduka lapha belixuku elikhulu.+