15 Inkosi yeBhabhiloni yathumba uJehoyakhini+ eJerusalema yamusa eBhabhiloni.+ Yathatha lonina, lamakhosikazi akhe, leziphathamandla zesigodlweni kanye lamadoda ahlonitshwayo elizweni yahamba labo eBhabhiloni. 16 Inkosi yeBhabhiloni yathumba wonke amaqhawe angu-7 000, yathumba labangu-1 000 ababezingcitshi zemisebenzi labakhandi bensimbi. Bonke babengamaqhawe, beyifundele impi.

29 La ngamazwi encwadi uJeremiya umphrofethi ayithumela eseJerusalema. Yayisiya kubadala besizwe ababethunjiwe, lakubaphristi, lakubaphrofethi lakubo bonke abantu ababethunjwe nguNebhukhadinezari eJerusalema wabahambisa eBhabhiloni. 2 Wayithumela ngesikhathi iNkosi uJekhoniya,+ lendlovukazi,+ leziphathamandla zesigodlweni, labakhokheli bakoJuda labeJerusalema, lezingcitshi zomsebenzi kanye labakhandi bensimbi sebesukile eJerusalema.+