• IZililo 4:22
    IBhayibhili Elingcwele

    • 22 Isijeziso sesono sakho ndodakazi yeZiyoni sesiphelile.

      Kasoze aphinde akuse ekuthunjweni.+

      Kodwa khathesi usejezisa wena ndodakazi yako-Edomi ngenxa yokona kwakho.

      Uzazichaya egcekeni izono zakho.+

  • UHezekheli 25:8, 9
    IBhayibhili Elingcwele

    • 8 “Nanku okutshiwo yiNkosi Enkulu uJehova: ‘Ngenxa yokuthi abantu bakoMowabi+ labaseSeyiri+ bathe, “Isizwe sakoJuda siyazifananela lezinye izizwe,” 9 sengisenza ukuthi amadolobho asemngceleni wakoMowabi ahlaselwe, kugoqele lamadolobho abo amahle kakhulu, iBhethi-jeshimothi leBhali-meyoni kuze kuyefika eKhiriyathayimi.+

  • U-Obhadiya 1
    IBhayibhili Elingcwele

    • 1 Umbono ka-Obhadiya:*

      Nanku okutshiwo yiNkosi Enkulu uJehova mayelana lo-Edomi:+

      “Sithole umbiko ovela kuJehova,

      Kulesithunywa esithunywe ezizweni ukuthi sithi:

      ‘Sukumani silungiselele ukulwa laye.’”+