• UDutheronomi 29:22, 23
    IBhayibhili Elingcwele

    • 22 “Nxa isizukulwane sabantwabenu abazalandela ngemva kwenu kanye lowesinye isizwe ovela elizweni elikhatshana bebona inhlupho eziselizweni lemikhuhlane uJehova ayehlisele phezu kwalo, 23 isalufa, lesawudo kanye lokutshisa ukuze kungasahlanyeleki elizweni lonke njalo kungasahlumi lutho futhi kungasamili lutho kulo, libhujiswe ngendlela okwabhujiswa ngayo iSodoma leGomora,+ le-Adima leZebhoyimi+ indawo ezatshabalaliswa nguJehova ngolaka lwakhe langentukuthelo yakhe,

  • IHubo 107:33, 34
    IBhayibhili Elingcwele

    • 33 Utshintsha imifula ibe yinkangala,

      Lezindawo ezigobhoza amanzi zibe ngumhlabathi owomileyo,+

      34 Atshintshe umhlabathi ovundileyo ube lugwadule lwesawudo,+

      Ngenxa yezinto ezimbi ezenziwa yilabo abahlala khona.

  • UJeremiya 17:6
    IBhayibhili Elingcwele

    •  6 Uzakuba njengesihlahla esithe qekele enkangala.

      Kasoze akubone okuhle nxa kusiza.

      Uzahlala ezindaweni ezomileyo enkangala,

      Elizweni eligcwele isawudo okungelamuntu ongahlala kulo.