29 Lanxa kunjalo uJehu kazange awasuse amathole egolide ayeseBhetheli lakoDani,+ walandela okwakwenziwe nguJerobhowami indodana kaNebhathi owabangela ukuthi abako-Israyeli bone. 30 UJehova wathi kuJehu: “Ngenxa yokuthi wenze okuhle lokulungileyo phambi kwami, wenza konke engangifuna ukwenze kwabendlu ka-Ahabi,+ abendlu yakho bazahlala esihlalweni sobukhosi sako-Israyeli+ kuze kube yisizukulwane sakho sesine.” 31 Kodwa uJehu kazange azihluphe ngokulandela uMthetho kaJehova uNkulunkulu ka-Israyeli ngenhliziyo yonke.+ Walandela okwakwenziwe nguJerobhowami owabangela ukuthi abako-Israyeli bone.+