Eyokuqala KwabaseThesalonika
3 Kuthe sekunzima ukuthi sikubekezelele lokho, sabona kungcono ukuthi siqhubeke sisodwa e-Athene.+ 2 Sathuma uThimothi+ umfowethu oyisikhonzi sikaNkulunkulu* sezindaba ezinhle eziphathelane loKhristu ukuthi azoliqinisa futhi aliduduze ukuze ukholo lwenu luqine, 3 kungabi lomuntu onyikinywa* zinhlupho lezi. Phela lani liyazazela ukuthi ngeke sikubalekele ukuhlupheka lokhu*+ 4 ngoba siseselani sasihlala silitshela ukuthi sizahlupheka. Lakanye yikho osekwenzakele njengoba lisazi.+ 5 Ngenxa yalokho kwathi sekunzima ukuthi ngibekezele ngamthuma kini ukuze ngizwe ngokuthembeka kwenu,+ ngisesabela ukuthi uMlingi+ wayengabe eselilingile, umsebenzi wethu onzima waphelela emoyeni.
6 Kodwa uThimothi usanda kufika kithi+ evela kini futhi usesitshele izindaba ezinhle ezimayelana lokuthembeka kwenu lothando elilalo. Usitshele ukuthi liqhubeka lisikhumbula kakhulu njalo liyafisa sibili ukusibona, ngendlela lathi esifisa ngayo ukulibona. 7 Yikho bafowethu, lanxa sihlupheka* kangaka futhi sithwele nzima, siyaduduzeka ngenxa yenu langenxa yokuthi litshengisa ukuthi lithembekile.+ 8 Phela thina siyavuselelwa* nxa lina limi liqinile eNkosini. 9 Kambe singamtshengisa njani uNkulunkulu ukuthi siyambonga ngani lonke langokuthi siyathokoza kakhulu phambi kwakhe ngenxa yenu? 10 Sithandaza ubusuku lemini sincenga ngenhliziyo yonke ukuthi silibone ngawethu* lokuthi sengezelele lokho okusilelayo ekukholweni kwenu.+
11 Sengathi uNkulunkulu wethu uBaba kanye leNkosi yethu uJesu bangasivulela indlela yokuthi size kini. 12 Kanti njalo kwangathi iNkosi ingandisa uthando lwenu, lithandane kakhulu+ futhi libathande kakhulu bonke njengoba lathi silithanda, 13 ukuze iqinise inhliziyo zenu, zingasoleki futhi zibe ngcwele phambi kukaNkulunkulu+ uBaba ngesikhathi sokuba khona kweNkosi uJesu+ ilabo bonke abangcwele bayo.