IHubo
Ihubo likaDavida.
28 Ngiqhubeka ngikubiza, awu Jehova Dwala lami,+
Ungavali indlebe zakho.
2 Ngicela ungizwe nxa ngikhala kuwe ngicela uncedo,
Nxa ngiphakamise izandla ngikhangele endlini engaphakathi esendaweni yakho engcwele.+
3 Ungangihuduli ndawonye lababi, labo abahlala besenza okubi,+
Abakhuluma kuhle labomakhelwane babo kodwa belamacebo amabi ezinhliziyweni zabo.+
4 Banike umvuzo wezenzo zabo,+
Umvuzo ohambelana lezinto ezimbi abazenzileyo.
Banike umvuzo wemisebenzi yezandla zabo,
Kusiya ngalokho abakwenzileyo,+
5 Ngoba abazihluphi ngalokho okwenziwe nguJehova,+
Langemisebenzi yezandla zakhe.+
Yena uzabawisela phansi angabavusi.
6 Kadunyiswe uJehova
Ngoba usekuzwile ukukhala kwami ngicela uncedo.
Ungincedile, yikho inhliziyo yami ithokoza,
Ngizahlabela ingoma ngimdumise.
8 UJehova ungamandla abantu bakhe,
Uyinqaba, usindisa ogcotshiweyo wakhe ngendlela emangalisayo.+
9 Khulula abantu bakho, ubusise ilifa lakho.+
Beluse njalo ubathwale ezingalweni zakho kuze kube nini lanini.+