UJona
2 UJona wasekhuleka kuJehova uNkulunkulu wakhe esesiswini senhlanzi,+ 2 wathi:
“Ngisebunzimeni ngambiza uJehova yena wangiphendula.+
3 Wangiphosela enzikini yolwandle,
Impophoma zamanzi zangihanqa.+
Amagagasi akho amakhulu angisibekela.+
4 Ngasengisithi, ‘Sengisusiwe phambi kwakho!
Kambe ngizaphinda ngilibone yini ithempeli lakho elingcwele?’
5 Amanzi angisibekela ngakubona ukufa sekungiqondile,+
Ngacwila emanzini atshonayo.
Utshani bolwandle bangithandela ikhanda.
6 Ngacwila ngaze ngayafika ngaphansi kwezintaba.
Amasango omhlaba ayesengivalele,
Kodwa wena Jehova Nkulunkulu wami wangikhipha egodini.+
7 Ngathi ngibona ukuthi sengisifa ngakukhumbula Jehova,+
Wawuzwa umthandazo wami usethempelini lakho elingcwele.+
8 Labo abakhonza izithombe ezingelancedo balahla lowo olothando oluqotho.*
9 Kodwa mina ngizakubonga ngelizwi lami nginikele umhlatshelo kuwe.
Ngizazigcwalisa izifungo zami.+
Insindiso ivela kuJehova.”+
10 Ngemva kwesikhathi uJehova walaya inhlanzi ukuthi imhlanze uJona, yasimhlanzela ekhunjini.