INGOMA YEZINGOMA
1 Ingoma yezingoma* kaSolomoni:+
3 Amafutha akho anukelela mnandi.+
Ibizo lakho linjengamafutha athululwayo anukelelayo.+
Yikho intombi zikuthanda.
4 Ngithatha sihambe sonke,* kasigijime.
Inkosi ingingenise emakamelweni ayo angaphakathi!
Asithokoze njalo sijabule.
Sibabaze* uthando ongipha lona ngoba lungcono kulewayini.
Baqondile* sibili abakuthandayo.
5 Awu madodakazi aseJerusalema, ngimnyama sibili kodwa ngimuhle,
Nginjengamatende aseKhedari,+ njengamalembu amatende+ kaSolomoni.
6 Lingangikhangeli ngoba ngimnyama,
Ngenxa yokuthi ngitshiswe lilanga.
Abafowethu bangizondela,
Bathi ngiyelinda amasimu amagilebisi,
Kodwa eyami insimu angiyilindanga.
Kungani kumele ngibe njengowesifazana ovalwe ngeveyili,*
Phakathi kwemihlambi yabangane bakho?”
8 “Awu wena olitshatshazi phakathi kwabesifazana, nxa kuyikuthi awukwazi
Landela umzila womhlambi,
Uyekwelusela amazinyane embuzi zakho eduze kwamatende abelusi.”
9 “Sthandwa sami, ngikufanisa lebhiza* elisikazi phakathi kwezinqola zikaFaro.+
10 Ayisibuhle bezihlathi zakho eziceciswe ngemiceciso,*
Lentamo yakho egaxwe amangqongqo.
11 Sizakwenzela imiceciso* yegolide,
Enanyekwe ngesiliva.”
13 Usomoya wami unjengesikhwama semure+ enukelela kamnandi,
Esiphakathi kwamabele ami ubusuku bonke.
15 “Ayisibuhle bakho sthandwa sami!
Umuhle sthandwa sami! Amehlo akho anjengawamajuba.”+
16 “Awu somoya wami umuhle njalo uyathokozisa.+
Umbheda wethu uphakathi kwamahlamvu.
17 Amapulanka endlu yethu* ngawomsedari,
Imithando yophahla lwethu ngeyezihlahla zomjunipha.
2 “Njengeluba eliphakathi kwameva,
Sinjalo isthandwa sami phakathi kwezintombi.”
3 “Njengesihlahla sama-apula esiphakathi kwezihlahla zeganga,
Unjalo usomoya wami phakathi kwamajaha.
Ngiyafisa kakhulu ukuhlala emthunzini wakhe,
Isithelo sakhe siyahlabusa kimi.
4 Wangingenisa endlini yedili,*
Njalo uthando lwakhe lwaluluphawu phezu kwami.
5 Ngivuselelani ngamakhekhe amagilebisi awonyisiweyo,+
Lingiqinise ngama-apula
Ngoba uthando luyangigulisa.
6 Isandla sakhe senxele singaphansi kwekhanda lami,
Isandla sakhe sokudla singigonile.+
Lingazami ukuvusa uthando kimi luze luzivukele lodwa.+
8 Ngiyamuzwa usomoya wami uyeza!
Khangelani nanguya usebuya,
Ukhwela ezintabeni, weqa amaqaqa.
9 Usomoya wami unjengempala, unjengezinyane lomziki,+
Nanguyana umi ngemuva komduli wethu,
Ulunguze emawindini,
Ulunguze ngezikhala zamawindi.
10 Usomoya wami uyakhuluma, uthi kimi:
‘Sukuma sthandwa sami,
Woza sihambe sqabhobho sami.
11 Khangela ubusika sebudlulile.*
Akuselazulu, selihambile.
12 Amaluba asebonakala elizweni,+
Isikhathi sokuthena izihlahla sesifikile,+
Sekuzwakala ukukhala kwejuba elizweni lakithi.+
13 Izithelo zokuqala+ zomkhiwa sezivuthwa;
Izihlahla zamagilebisi sezilamaluba njalo sezikhipha iphunga elimnandi.
Sukuma somoya wami ubuye.
Woza sihambe sqabhobho sami.
14 Awu juba lami elisengoxweni zedwala+
Elisendaweni ezicatshileyo eliweni,
Akuthi ngikubone phela ngizwe ilizwi lakho,+
Ngoba ilizwi lakho limnandi futhi umuhle.’”+
15 “Sibambeleni amakhanka,
Imidlwane yamakhanka edala umonakalo emasimini amagilebisi
Ngoba izihlahla zamagilebisi ezisemasimini ethu sezilamaluba.”
16 “Usomoya wami ngowami lami ngingowakhe.+
Welusile+ endaweni elamaluba.+
17 Kuze kube yilapho sekubetha umoya* lemithunzi ingasekho,
Awu somoya wami, phenduka masinyane,
Njengempala+ loba njengezinyane lomziki+ ezintabeni ezingumasithela.*
Ngisidingile kodwa angisitholanga.+
Ngisidingile kodwa angisitholanga.
3 Ngatholwa ngabalindi ababhoda edolobheni+ ngababuza ngathi,
‘Alizange libone isthandwa sami* yini?’
4 Ngathi ngisanda kubadlula nje,
Ngasibona isthandwa sami.*
Ngasibamba ngasigagadlela, angivumanga ukuthi sihambe,
Ngaze ngasingenisa endlini kamama+
Ekamelweni elingaphakathi lalowo owangizalayo.
5 Ngiyalifungisa lina madodakazi aseJerusalema,
Ngempala langempalakazi zeganga ngithi:
Lingazami ukuvusa uthando kimi luze luzivukele lodwa.”+
6 “Kuyini lokhu okuqubuka kuvela enkangala njengamayezi entuthu,
Okufakwe imure enukelela kamnandi lenhlaka yokwenza impepha,
Lawo wonke amakha anukelelayo omuntu othengisayo?”+
7 “Khangela! Lisofa likaSolomoni.
Ligonjolozelwe ngamadoda alamandla angu-60,
Amadoda ako-Israyeli alamandla.+
8 Wonke ahlome ngenkemba,
Wonke afundisiwe ukulwa impi,
Ngayinye ifake inkemba yayo ekhalweni
Ukuze ihlasele nxa kungavela ingozi zebusuku.”
10 Insika* zaso yazenza ngesiliva,
Izisekelo zaso ngegolide.
Indawo yaso yokuhlala yenziwe ngewulu eyibubende,*
Ingaphakathi yaso yaceciswa kuhle
Ngamadodakazi aseJerusalema.”
11 “Awu madodakazi aseZiyoni, phumani,
Libone iNkosi uSolomoni,
Igqoke umqhele womtshado eyawenzelwa ngunina,+
Ngelanga layo lomtshado,
Ngelanga lokuthokoza kwenhliziyo yayo.”
4 “Ayisibuhle bakho sthandwa sami.
Umuhle sthandwa sami.
Amehlo akho anjengawamajuba phakathi kweveyili yakho.
Inwele zakho zinjengomhlambi wembuzi
Usehla entabeni zeGiliyadi.+
2 Amazinyo akho anjengomhlambi wezimvu osanda kugelwa uboya,
Izimvu ezisanda kugeziswa,
Zonke izimvu zakhona zizele amaphahla
Kayikho leyodwa elahlekelwe lizinyane layo.
3 Indebe zakho zinjengohali olubomvu,
Amazwi akho amnandi.
Njengocezu lweharinathi,
Zinjalo izihlathi* zakho phakathi kweveyili yakho.
4 Intamo yakho+ injengenqaba kaDavida+
Eyakhiwe ngamatshe agadaniswe kuhle
Okulengiswe kuyo amahawu ayinkulungwane,
Wonke amahawu ayisigombolozi athwalwa ngamadoda alamandla.+
6 “Ngizaqansa ngiye entabeni yemure,
Laseqaqeni lwenhlaka yokwenza impepha,+
Usuku lungakaqali ukubetha umoya lemithunzi ingakabaleki.”
8 Asisuke eLebhanoni makoti wami sihambe
Asisuke sonke eLebhanoni.+
Yehla esiqongweni se-Amana,
Esiqongweni seSeniri, esiqongweni seHemoni,+
Ezimbalwini zezilwane, ezintabeni zezingwe.
9 Uyithumbile inhliziyo yami+ dadewethu, makoti wami,
Uthe ungithi hlasi ngamehlo, wayithumba inhliziyo yami,
Ngengqongqo elilodwa nje lomgaxo wakho.
10 Uthando ongipha lona lumnandi+ dadewethu, makoti wami,
Uthando ongipha lona lewayini lisala phansi,+
Amagcobo akho anukelela kamnandi ukwedlula loba yiwaphi amakha.+
11 Indebe zakho zithonta uluju+ makoti wami,
Uluju lochago kungaphansi kolimi lwakho,+
Amakha asezigqokweni zakho anjengamakha eLebhanoni.
12 Udadewethu, umakoti wami, unjengengadi ekhiyiweyo,
Ingadi ekhiyiweyo, umthombo ovalwe ngci!
13 Ingatsha zakho* zilipharadayisi* lamaharinathi,
Zilezithelo ezimnandi kakhulu lehena lenadi,
14 Inadi,+ lesafroni, lomhlanga*+ kanye lesinamoni,+
Layo yonke imihlobo yezihlahla zenhlaka yokwenza impepha, lemure lamachena,*+
Kanye lawo wonke amakha+ adulayo.
15 Ungumthombo osengadini, umgodi olamanzi amahle,
Unjengezifula ezigeleza zivela eLebhanoni.+
16 Awu moya wenyakatho vuka,
Lawe moya weningizimu woza,
Uphephethe* engadini yami.
Akuthi iphunga layo elimnandi lisabalale.”
“Kwangathi usomoya wami angabuya engadini yakhe,
Adle izithelo zayo ezimnandi.”
5 “Sengingenile engadini yami,+
Awu dadewethu, makoti wami.
Sengiyikhile imure yami lamakha ami.+
Sengiludlile uhlanga loluju lwami kanye loluju,
Sengilinathile iwayini lami lochago lwami.”+
“Dlanini bangane abathandekayo!
Nathani lidakwe yizenzo zothando.”+
2 “Ngilele kodwa inhliziyo yami iphapheme.+
Kuzwakala usomoya wami eqoqoda!
‘Ngivulela dadewethu, sthandwa sami,
Juba lami wena ongelasici,
Ngoba ikhanda lami limanziswe ngamazolo
Inwele zami zimanziswe yimikhizo yebusuku.’+
3 Sengisikhiphile isigqoko sami.
Kambe kumele ngiphinde ngisigqoke yini?
Sengigezile inyawo zami
Kambe kumele ngiphinde ngizingcolise futhi?
4 Usomoya wami ukhiphe isandla sakhe esikhaleni somnyango,
Imizwa yami yaqubuka ngahalela ukuba laye.
5 Ngavuka ukuze ngivulele usomoya wami,
Izandla zami zithonta imure,
Iminwe yami ithonta imure engamanzi,
Ithontela phezu kwezibambo zekhiye yomnyango.
6 Ngamvulela usomoya wami,
Kodwa usomoya wami wayesetshibilikile wahamba.
Ngadana lapho esesukile.*
Ngamdinga kodwa angimtholanga,+
Ngambiza kodwa kangiphendulanga.
7 Abalindi ababhodabhoda edolobheni bangithola,
Bangitshaya bangilimaza
Abalindi bemiduli bangithathela iveyili yami.
8 Ngiyalifungisa lina madodakazi aseJerusalema:
Nxa lingathola usomoya wami,
Limtshele ukuthi uthando luyangigulisa.”
9 “Usomoya wakho ungcono ngani kulabanye,
Wena olitshatshazi phakathi kwabesifazana?
Ungcono ngani usomoya wakho kulabanye,
Okokuthi usungaze usifungise isifungo lesi?”
10 “Usomoya wami muhle njalo uncwaba,
Kakho onjengaye phakathi kwabazinkulungwane ezilitshumi.
11 Ikhanda lakhe liligolide, igolide lohlobo oluphezulu.
Inwele zakhe ziyabuzela njengamahlamvu esihlahla selala.*
Zimnyama tshu njengewabayi.
13 Izihlathi zakhe zinjengombheda wamaluba anukelelayo,+
Njengenqumbi yezihlahlakazana ezinukelela kamnandi.
Indebe zakhe zingamaluba, zithonta imure engamanzi.+
14 Iminwe yakhe iligolide eliceciswe ngekhrisolithe.
Isisu sakhe sinjengophondo lwendlovu olucazimulayo oluceciswe ngesafire.
15 Inyawo zakhe zinsika zelitshe elimhlophe elifakwe phakathi kwezisekelo zegolide lohlobo oluphezulu.
Ubukeka njengeLebhanoni njalo mude njengemisedari.+
Lo nguye usomoya wami, lesi yiso isthandwa sami lina madodakazi aseJerusalema.”
6 “Uyengaphi usomoya wakho,
Wena olitshatshazi phakathi kwabesifazana?
Uqonde ngaphi usomoya wakho?
Wothi sikuncedise ukumdinga.”
2 “Usomoya wami uye engadini yakhe,
Emibhedeni yamaluba anukelelayo,
Ukuze ayekwelusa phakathi kwezingadi,
Njalo ayekukha amaluba.+
3 Mina ngingokasomoya wami
Losomoya wami ngowami+
Welusile endaweni elamaluba.”+
4 “Umuhle njengeThiriza*+ sthandwa sami,+
Umuhle njengeJerusalema,+
Uyamangalisa njengamabutho agombolozele amafulegi awo.+
5 Susa amehlo akho+ kimi,
Ngoba ayangithumba.
Inwele zakho zinjengomhlambi wembuzi,
Owehla emehlweni yeGiliyadi.+
6 Amazinyo akho anjengomhlambi wezimvu,
Izimvu ezisanda kugeziswa,
Zonke izimvu zakhona zizele amaphahla,
Kayikho leyodwa elahle izinyane layo.
7 Njengocezu lweharinathi,
Zinjalo izihlathi* zakho phakathi kweveyili yakho.
9 Munye kuphela olijuba lami,+ ongelasici.
Unguyedwana kanina,
Uyintandokazi yalowo owamzalayo.
Intombi ziyambona njalo zithi uyathokoza,
Indlovukazi labanye abafazi bayamdumisa.
10 ‘Ngubani lo omuhle njengelanga liphuma,
Omuhle njengenyanga egcweleyo,
Ohlanzeke njengokukhanya kwelanga,
Omangalisa njengamabutho agombolozele amafulegi awo?’”+
11 “Ngehla ngaya engadini elezihlahla ezilezithelo,+
Ukuze ngiyebona okutsha okukhulayo esigodini,
Ngiyebona ukuthi izihlahla zamagilebisi sezihlumile* yini,
Lokuthi izihlahla zamaharinathi sezilamaluba na.
12 Ngathi ngisalibele,
Isifiso sami sangithatha*
Sangibeka enqoleni zabantu bakithi abangabahlonitshwa.”*
13 “Phenduka, phenduka, awu mShulamithi!
Phenduka, phenduka bo
Ukuze sikubuke!”
“Kanti limkhangelani umShulamithi?”+
“Unjengomgido wamaqembu amabili.”*
7 “Ayisibuhle benyawo zakho phakathi kwamanyathela akho,
Wena ndodakazi ehloniphekayo!
Amathangazi akho anjengemiceciso,
Umsebenzi womuntu oyingcitshi.
2 Inkaba yakho ingumganu oyisigombolozi.
Kwangathi ingahlala ilewayini elihlanganisiweyo.
Isisu sakho siyinqumbi yengqoloyi,
Egonjolozelwe ngamaluba.
3 Amabele akho anjengamazinyane empala amabili,
Anjengamaphahla empala.+
4 Intamo yakho+ injengenqaba yophondo lwendlovu,+
Ikhala lakho linjengenqaba yeLebhanoni
Ekhangele eDamaseko.
Inkosi ithunjwe zinwele zakho ezinde.
6 Ulicitshalanga njalo uyathandeka,
Awu ntombi ethandekayo, uthandeka ukwedlula konke okuthokozisayo!
7 Isimo sakho sinjengesihlahla selala,
Amabele akho anjengezixha zezithelo zesihlahla selala.+
8 Ngathi, ‘Ngizakhwela esihlahleni selala,
Ngiyebamba ingatsha ezilezithelo.’
Kwangathi amabele akho angaba njengezixha zamagilebisi,
Umoya owuphefumulayo unukelele mnandi njengama-apula,
9 Umlomo* wakho ube njengewayini elihle kakhulu.”
“Kwangathi lingehla kamnandi kuye usomoya wami,
Lehle kamnandi ezindebeni zalabo abaleleyo.
10 Mina ngingokasomoya wami+
Njalo yena ufisa mina.
11 Woza wena somoya wami,
Asiphume siye egangeni
Asihlale phakathi kwezihlahlakazana zehena.+
12 Asivuke ngovivi siye emasimini amagilebisi,
Siyebona ukuthi izihlahla zamagilebisi sezihlumile* yini,
Lokuthi impoko sezivulekile na,+
Siyebona ukuthi amaharinathi aselamaluba yini,+
Nxa sesikhonale ngizakutshengisa indlela engikuthanda ngayo.+
Ezintsha lezindala,
Ngizigcinele wena somoya wami.
8 “Aluba ubunjengomnewethu,
Owamunya emabeleni kamama.
Bengizakuqabuza+ nxa ngingakuthola phandle,
Njalo kakho obezangisola.
Bengizakunika iwayini elinukelelayo,
Umhluzi wamaharinathi.
3 Isandla sakhe senxele besizakuba ngaphansi kwekhanda lami,
Isandla sakhe sokudla singigone.+
4 Ngiyalifungisa lina madodakazi aseJerusalema,
Lingazami ukuvusa uthando kimi luze luzivukele lodwa.”+
5 “Ngubani lo othutsha evela enkangala,
Egone usomoya wakhe?”
“Ngakuvusa ngaphansi kwesihlahla sama-apula.
Lapho unyoko aba lemihelo yakho khona.
Lapho lowo owakuzalayo ahelelwa khona.
6 Ngifaka ngibe njengophawu enhliziyweni yakho
Ngibe njengophawu engalweni yakho,
Ngoba uthando lulamandla njengokufa,+
Lokuzinikela okupheleleyo kuyaphikelela njengengcwaba.
Amalangabi othando angumlilo ovuthayo, ilangabi likaJah.*+
Nxa umuntu ubengathenga uthando ngayo yonke inotho alayo,
Inotho leyo* ibizakweyiswa kakhulu.”
8 “Silomnawethu oyinkazana,+
Njalo kakaphuhli.
Sizamenzelani umnawethu,
Ngelanga azacelwa ngalo?”
9 “Nxa engumduli,
Sizakwakha phezu kwakhe inqaba yesiliva,
Kodwa nxa engumnyango,
Sizamvala ngepulanka lomsedari.”
10 “Ngingumduli,
Amabele ami anjengezinqaba.
Ngakho emehlweni akhe sengibe
Njengalowo osethole ukuthula.
11 USolomoni wayelensimu yamagilebisi+ eBhali-hamoni.
Waseqhatshisa insimu leyo ebantwini,
Ngamunye wayebhadala inhlamvu zesiliva ezingu-1 000 nxa esevunile.
12 Ngilayo insimu yamagilebisi ebiza mina.
Awu Solomoni, inhlamvu zesiliva ezingu-1 000 ngezakho,
Ezingu-200 ngezalabo abakhangela izithelo zayo.”
13 “Awu wena ohlala ezingadini,+
Abangane balindele ukuzwa ilizwi lakho.
Akuthi ngilizwe.”+
14 “Phangisa somoya wami,
Ugijime njengempala,+
Loba njengezinyane lomziki,
Phezu kwezintaba zezihlahlakazana zamakha.”
Kumbe, “Ingoma enhle kulazo zonke.”
NgesiHebheru, “Ngidonsa ngikulandele.”
Kumbe, “Asidumise.”
Lapha kutshiwo amantombazana.
Kumbe, “wena othandwa ngumphefumulo wami.”
Kumbe, “ngeveyili yokulila.”
Kumbe, “lebhiza lami.”
Ezinye inguqulo zithi, “phakathi kwamagoda enwele.”
Kumbe, “imiqhele.”
NgesiHebheru, “Amafutha ami enadi.”
Kumbe, “endlu yethu enhle.”
NgesiHebheru, “endlini yewayini.”
Kumbe, “isikhathi sezulu sesidlulile.”
NgesiHebheru, “usuku seluphefumula.”
Ezinye inguqulo zithi, “entabeni ezimakhelekethe.” Kumbe, “entabeni zeBhetheri.”
Kumbe, “lowo othandwa ngumphefumulo wami.”
Kumbe, “lowo othandwa ngumphefumulo wami.”
Kumbe, “lowo othandwa ngumphefumulo wami.”
Kumbe, “Ngamthola lowo othandwa ngumphefumulo wami.”
Leli kwakulisofa elalisetshenziswa ukuthwala umuntu ongumhlonitshwa.
Kungenzakala ukuthi lezi kwakuzinsika ezisekele uphahla.
NgesiNgisi umbala oyibubende yi-purple.
Kumbe, “inhlafuno.”
Ezinye inguqulo zithi, “Ijwabu lakho.”
Kumbe, “ziyingadi.”
Lo ngumhlanga onukelelayo.
Kumbe, “lenhlaba.”
Kumbe, “Uphephethe kamnandi.”
Ezinye inguqulo zithi, “Umphefumulo wami wehluleka lapho sikhuluma.”
Ezinye inguqulo zithi, “njengezixha zamadethi.”
NgesiHebheru, “Ulwanga lwakhe.”
Kumbe, “njengedolobho elihle.”
Kumbe, “inhlafuno.”
Kumbe, “sezinunkule.”
Kumbe, “Umphefumulo wami wawusungithethe.”
Kumbe, “abafuna ukuncedisa.”
Kumbe, “Unjengomgido waseMahanayimi.”
NgesiHebheru, “zekhanda lakho.”
NgesiNgisi umbala oyibubende yi-purple.
NgesiHebheru, “Ulwanga.”
Kumbe, “sezinunkule.”
Lesi yisifitshaniso sebizo elithi Jehova ngesiHebheru.
Ezinye inguqulo zithi, “Umuntu lowo.”