UMIKHA
1 Nanti ilizwi likaJehova elafika kuMikha*+ waseMoreshethi, umbono awubonayo mayelana leSamariya leJerusalema ezinsukwini zikaJothamu+ lo-Ahazi+ loHezekhiya,+ amakhosi akoJuda:+
2 “Zwanini lonke lina bantu!
Akuthi umhlaba lakho konke okukuwo kulalelisise,
INkosi Enkulu uJehova kayifakaze ilibeka icala.+
UJehova usethempelini lakhe elingcwele.
3 Khangelani! UJehova uyasuka endaweni yakhe,
Uzakwehlela phansi anyathele izindawo eziphakemeyo zomhlaba.
4 Izintaba zizancibilika ngaphansi kwakhe,+
Lezigodi ziqhekezeke phakathi
Njengengcino efakwe emlilweni,
Lanjengamanzi athululwa eliweni.
5 Konke lokhu kubangelwe yikuhlamuka kukaJakhobe,
Kungenxa yezono zendlu ka-Israyeli.+
Kuyini okwenze uJakhobe wahlamuka?
Akusiyo Samariya yini?+
Ngubani owenza indawo eziphakemeyo zakoJuda?+
AkusiJerusalema yini?
6 ISamariya ngizayidiliza isale ingamanxiwa,
Ibe yindawo yokuhlanyela izihlahla zamagilebisi,
Amatshe ayo ngizawajikela esigodini,
Ngitshiye izisekelo zayo zisegcekeni.
7 Zonke izithombe zayo ezibaziweyo ngizaziphahlaza zibe yizicucu,+
Zonke izipho eyazithola ngobufebe bayo ngizazitshisa ngomlilo.+
Zonke izithombe zayo ngizaziphahlaza.
Ngoba yazithola ngembadalo yobufebe,
Futhi lazo zizakuba yimbadalo yezinye izifebe.”
Ngizakhala njengamakhanka,
Ngikhale njengezintshe.
Isifo sesimemetheke saze sayafika egedini labantu bami eJerusalema.+
10 “Lingakukhulumi lokhu eGathi,
Lingaqali ukukhala.
Zibhuqeni ethulini eBhethi-afira.*
11 Dlulani linqunu njalo liyangekile lina zakhamizi zeShafiri.
Izakhamizi zeZawanani kaziphumanga.
Kuzahlatshwa umkhosi eBhethi-ezeli njalo kayisoze iphinde ikusekele.
12 Izakhamizi zeMarothi bezilokhu zimelele okuhle,
Kodwa okubi kwehlele egedini leJerusalema kuvela kuJehova.
13 Bophani inqola yamabhiza lina zakhamizi zeLakhishi.+
Yini elabangela ukuthi indodakazi yaseZiyoni yenze isono,
Ngoba ukuhlamuka kwabako-Israyeli kwatholakala kuwe.+
14 Ngakho uzanika iMoreshethi-gathi izipho zokuvalelisa.
Abantu base-Akhizibi+ bawabambise ilitshe amakhosi ako-Israyeli.
15 Umnqobi ngizamletha kini+ lina zakhamizi zeMaresha.+
Inkazimulo ka-Israyeli izafika lakhonale e-Adulamu.+
16 Phucani amakhanda enu lisale lingelanwele ngenxa yabantwabenu elibathandayo.
2 “Maye kulabo ababumba amacebo ayingozi,
Ababumba amacebo amabi besemibhedeni yabo.
Nxa kungasa bayakwenza lokho akade bekucabanga,
Ngoba kusemandleni abo.+
2 Bahawukela amasimu bawathathe;+
Bahawukele lezindlu bazithathe,
Baqila umuntu bamthathele indlu yakhe,+
Bathathe lelifa lakhe.
3 Ngakho nanku okutshiwo nguJehova:
‘Ngicabanga ukulilethela* uhlupho+ elingasoze liphunyuke kulo.+
Lizakucina ukuhamba lizikhukhumeza+ ngoba leso kuzabe kuyisikhathi sokuhlupheka.+
4 Ngalelolanga abantu bazahaya inkondlo ngani,
Njalo bazalikhalela kabuhlungu.+
Bazakuthi: “Kuphelile ngathi!+
Ilifa labantu bakithi usulithethe walinika abanye.+
Wanika ongathembekanga amasimu ethu.”
5 Alisoze limthole ngitsho loyedwa odonsa intambo yokulinganisa,
Ukuze abele ibandla likaJehova umhlabathi.
6 Bayamemeza bathi, “Yekelani ukutshumayela,”
“Izinto lezi akumelanga zitshunyayelwe,
Ihlazo kalisoze lifike kithi!”
7 Wena ndlu kaJakhobe yikho yini lokhu okukhulunywayo ukuthi:
“Umoya kaJehova usuphelelwe yisineke?
Yizenzo zakhe yini lezi?”
Amazwi ami awabaletheli okuhle yini labo abathembekileyo?*
8 Kodwa khathesi abantu bami sebehlamukile baba yisitha.
Likhipha umceciso omuhle esigqokweni emini libalele
Kulabo abahamba bechelesile njengabantu abavela empini.
9 Lixotsha abesifazana babantu bami ezindlini zabo ezinhle,
Inkazimulo yami liyayisusa kokuphela kubantwababo.
10 Sukumani lihambe ngoba indawo le kayisiyo yokuphumula.
Izabhidlizwa, ibhuqwe kabuhlungu+ ngoba ingcolile.+
11 Nxa umuntu esenza izinto ezingelancedo, eliqili futhi ekhuluma amanga esithi:
“Ngizakutshumayeza ngewayini kanye lotshwala,”
Intshumayelo yakhe iyabe ingeyokuthabisa abantu laba kuphela.+
12 Loba sekutheni ngizababuthanisa bonke abendlu yakho Jakhobe,
Ngeqiniso ngizaqoqela ndawonye bonke abako-Israyeli abaseleyo.+
Ngizabenza bamanyane njengezimvu ezisesibayeni,
Njengomhlambi osemadlelweni,+
Kuzakuba lomsindo wabantu kuleyondawo.’+
13 Lowo ohamba phambi kwabo uzavula isikhala emdulini,
Bazasenza sibe sikhulu, bazaqonda egedini baphume ngalo.+
Inkosi yabo izahamba phambi kwabo,
UJehova uzabakhokhela.”+
3 Ngabatshela ngathi: “Ngicela lingilalele lina elizinhloko zendlu kaJakhobe
Lani bakhokheli bendlu ka-Israyeli.+
Akumelanga likwazi okulungileyo na?
2 Liyakuzonda okuhle,+ lithanda okubi,+
Lebula isikhumba sabantu bami, likhiphe lenyama yabo emathanjeni.+
3 Lidla inyama yabantu bami+
Lihlubule lesikhumba sabo,
Amathambo abo liyawephula liwaqobaqobe,+
Njengalokho okuphekwa ngembiza, lanjengenyama esembizeni.
4 Ngalesosikhathi bazakhala kuJehova becela usizo,
Kodwa kasoze abaphendule.
5 Nanku okutshiwo nguJehova mayelana labaphrofethi abadukisa abantu bami,+
Nxa bangaphiwa okuthile abangakuhlafuna*+ bamemeza bathi, ‘Ukuthula!’+
Kodwa nxa umuntu engafakanga lutho emilonyeni yabo bayamhlasela:
6 ‘Lizafikelwa yibusuku+ njalo akulambono elizawubona,+
Lizakuba semnyameni futhi kalisoze liphinde lihlahlule.
Ilanga lizabatshonela abaphrofethi,
Losuku lube mnyama kubo.+
7 Ababona imibono bazayangiswa,+
Labahlahlulayo bazadana.
Bonke bazavala imilomo yabo,*
Ngoba uNkulunkulu kasoze abaphendule.’”
8 Kodwa mina umoya kaJehova usungenze ngaba lamandla amakhulu,
Usungenze ngaba lesibindi lokwahlulela okuhle
Ukuze ngitshele uJakhobe ngokuhlamuka kwakhe, ngitshele lo-Israyeli ngesono sakhe.
9 Ngicela lingilalele lina elizinhloko zendlu kaJakhobe
Lani bakhokheli bendlu ka-Israyeli+
Lina elizonda ukwahlulela kuhle njalo eligobisa konke okuqondileyo,+
10 Lina elakha iZiyoni ngokubulala liphinde lakhe iJerusalema ngokwenza okungalunganga.+
11 Abakhokheli bayo bayafunjathiswa nxa besahlulela,+
Abaphristi bayo bafundisela ukuthola imbadalo,+
Ngapha bezenza bona abathembele kuJehova besithi:
“UJehova kakho phakathi kwethu yini?+
Akulahlupho oluzasehlela.”+
12 Ngakho iZiyoni izalinywa angathi yinsimu ngenxa yenu,
IJerusalema izadilizwa isale ingamanxiwa,+
Intaba yethempeli* izafanana lezindawo eziphakemeyo eziseguswini.+
Intaba yendlu kaJehova+
Izamiswa iqine phezu kweziqongo zezintaba,
Izaphakanyiswa yedlule amaqaqa,
Abantu bazathululeka besiya kuyo.+
2 Izizwe ezinengi zizahamba zithi:
“Wozani siqanse entabeni kaJehova,
Siye endlini kaNkulunkulu kaJakhobe.+
Uzasifundisa izindlela zakhe,
Njalo sizahamba ezindleleni zakhe.”
Umthetho* uzavela eZiyoni,
Lelizwi likaJehova liphume eJerusalema.
3 Uzakwahlulela phakathi kwezizwe ezinengi+
Alungise izinto* ukuze ancede izizwe ezilamandla ezikhatshana kakhulu.
Zizakhanda izinkemba zazo zibe yizikali zamakhuba okulima,
Lemikhonto yazo ibe zingqamu zokuthena izihlahla.+
Akulasizwe esizaphakamisela esinye inkemba,
Njalo azisoze ziphinde zifundele ukulwa impi.+
4 Wonke umuntu uzahlala ngaphansi kwesihlahla sakhe samagilebisi+ langaphansi kwesihlahla sakhe somkhiwa,
Kakho ngitsho loyedwa ozabenza besabe,+
Ngoba uJehova wamabutho usekhulumile.*
5 Isizwe ngasinye sizahamba ngebizo likankulunkulu waso,
Kodwa thina sizahamba ngebizo likaJehova uNkulunkulu wethu+ kuze kube nini lanini.
6 “Ngalolosuku,” kutsho uJehova,
“Ngizaqoqa bonke abaqhulayo,
Ngibuthanise ndawonye bonke abahlakazekileyo,+
Kanye lalabo engabehlisela usizi.
7 Ngizakwenza kube leqembu labaseleyo phakathi kwabaqhulayo,+
Labaxotshelwe khatshana ngizabenza babe yisizwe esilamandla,+
UJehova uzakuba yinkosi yabo entabeni iZiyoni,
Kusukela khathesi kuze kube nini lanini.
8 Kodwa kuwe nqaba yokuvikela umhlambi,
Wena ntaba yendodakazi yaseZiyoni,+
Ubukhosi basekuqaleni buyeza kuwe,+
Umbuso wendodakazi yaseJerusalema.+
9 Kungani uhlaba umkhosi?
Kawulayo yini inkosi?
Umeluleki wakho usetshabalele yini
Uze ube sebuhlungwini obungaka njengowesifazana obelethayo?+
10 Awu ndodakazi yaseZiyoni, janquka ububule
Njengowesifazana obelethayo,
Ngoba khathesi uzasuka edolobheni uyehlala egangeni.
Uzahamba uze uyefika eBhabhiloni,+
Njalo kulapho ozahlengwa khona,+
Yikho lapho uJehova azakuthenga khona akususe esandleni sezitha zakho.+
11 Izizwe ezinengi zizabuthana zikuhlasele,
Zizakuthi, ‘Kangcoliswe,
Lamehlo ethu kawakubone lokho kusenzakala eZiyoni.’
12 Kodwa kaziyazi imicabango kaJehova,
Azikuzwisisi lokho akuhlosileyo,
Uzazibuthanisa njengenqumbi yamabele asanda kufakwa esizeni.*
13 Sukuma ubhule amabele wena ndodakazi yaseZiyoni,+
Ngoba ngizatshintsha impondo zakho zibe yinsimbi,
Lamasondo akho abe yikhopha,
Njalo uzachoboza abantu abanengi.+
Inzuzo yabo abayithole ngokungathembeki uzayinikela kuJehova,
Lenotho yabo uzayinika iNkosi yomhlaba wonke.”+
5 “Awu ndodakazi ehlaselwayo
Khathesi usuzisikasika.
Wena omncinyane kakhulu phakathi kwezinkulungwane* zakoJuda,
Kuwe kuzaphuma lowo engizamenza umbusi ko-Israyeli,+
Omdabuko wakhe ngowasendulo kusukela ezinsukwini zakudaladala.
3 Uzabakhalala
Kuze kufike isikhathi sokuthi owesifazana osehelelwa abelethe,
Bonke abafowabo bazabuyela ebantwini bako-Israyeli.
4 Uzakuma eluse ngamandla kaJehova+
Langebizo eliphakemeyo likaJehova uNkulunkulu wakhe.
Nxa um-Asiriya angahlasela ilizwe lethu, anyathele izinqaba zethu eziqinileyo,+
Sizamvusela abelusi abayisikhombisa, abakhokheli* abangu-8 abavela ebantwini.
6 Bazakwelusa ilizwe lase-Asiriya ngenkemba,+
Beluse lelizwe likaNimrodi+ besemagedini alo,
Uzasikhulula kum-Asiriya+
Nxa esehlasela ilizwe lethu njalo esenyathela endaweni yethu.
7 Abendlu kaJakhobe abaseleyo
Bazakuba njengamazolo avela kuJehova phakathi kwezizwe ezinengi,
Babe njengemikhizo yezulu phezu kwakho konke okumila egangeni,
Okungathembeli ebantwini
Lokungalindeli amadodana abantu.
8 Abendlu kaJakhobe abaseleyo bazakuba phakathi kwezizwe,
Phakathi kwabantu abanengi,
Njengesilwane phakathi kwezinyamazana zeganga,
Lanjengesilwane esilamandla phakathi kwemihlambi yezimvu,
Esihamba siseqela izimvu sizidabudabula,
Kakho loyedwa ongazihlenga.
9 Isandla sakho sizaphakanyiselwa phezu kwezitha zakho,
Zonke izitha zakho zizachithwa.”
10 “Ngalolosuku,” kutsho uJehova,
“Ngizabulala wonke amabhiza aphakathi kwakho, ngibhidlize lezinqola zakho.
11 Ngizabhidliza amadolobho aselizweni lakho
Ngidilize zonke izinqaba zakho.
12 Ngizabuqeda du bonke ubuthakathi bakho,
Phakathi kwakho akusoze kusale loyedwa owenza amasalamusi.+
13 Ngizazibhidliza izithombe zakho ezibaziweyo kanye lezinsika eziphakathi kwakho,
Awusoze uphinde ukhothamele izinto ozenze ngezandla zakho.+
15 Izizwe ezingalalelanga
Ngizaphindisela kuzo ngokuthukuthela langolaka.”
6 Ngicela lilalele lokho uJehova akutshoyo.
Sukumani lilandise udaba lwenu phambi kwezintaba,
Lamaqaqa kawezwe ilizwi lenu.+
2 Lina zintaba zwanini icala elethulwa nguJehova,
Lani zisekelo zomhlaba eziqinileyo,+
Ngoba uJehova wethesa abantu bakhe icala,
Uzamelana labako-Israyeli athi:+
3 “Ngoneni kini bantu bami?
Ngilihluphe ngani?+
Zifakazeleni ngizwe.
4 Ngalikhipha elizweni laseGibhithe,+
Ngalikhulula elizweni lobugqili,+
Ngathumela kini uMosi lo-Aroni loMiriyamu.+
5 Ngiyalicela bantu bami, khumbulani icebo likaBhalakhi inkosi yakoMowabi,+
Lokuthi uBhalamu indodana kaBheyori wamphendula njani.+
Khumbulani okwenzakala kusukela eShithimi+ kuze kuyefika eGiligali,+
Ukuze lazi imisebenzi kaJehova elungileyo.”
6 Ngizakuya kuJehova ngiphetheni?
Ngizakhothama phambi kukaNkulunkulu ophezulu ngiphetheni?
Ngiye kuye ngiphethe iminikelo yokutshiswa egcweleyo na?
Ngihambe lamathole alomnyaka owodwa yini?+
7 UJehova uzathokoziswa zinkulungwane zezinqama yini?
Uzathokoziswa ngamafutha amanengi yini?+
Kambe nginganikela ngendodana yami elizibulo ngenxa yokuhlamuka kwami,
Nginikele ngesithelo somzimba wami ngenxa yesono sami yini?+
8 Ukutshelile okuhle, wena muntu.
Kambe uJehova ufunani kuwe?
Zwanini ukukhala komqwayi lilalele lalowo owuthumileyo.+
10 Inotho ezuzwe ngokwenza okubi isesekhona yini endlini yomuntu owenza okubi,
11 Ngingaba msulwa yini nxa ngilezikali zobuqili,
Lesikhwama esilamatshe alezilinganiso zamanga?+
12 Amadoda alo anothileyo athanda udlakela,
Izakhamizi zalo ziqamba amanga,+
Ulimi lwazo lugcwele ubuqili.+
13 “Ngakho-ke ngizakutshaya usale ulamanxeba,+
Ngikutshiye ungelalutho ngenxa yezono zakho.
14 Uzakudla kodwa awusoze usuthe,
Isisu sakho sizahlala singelalutho.+
Izinto ozazithatha ufuna ukuzilondoloza awusoze ufike lazo,
Lezo ozafika lazo ngizazinikela ezitheni zakho.
15 Uzahlanyela kodwa awusoze uvune lutho.
Uzavoxa ama-oliva kodwa awusoze uwathole amafutha,
Uzakwenza iwayini elitsha kodwa awusoze ulinathe.+
16 Ngoba uhamba ngezindlela zika-Omri layo yonke imisebenzi yendlu ka-Ahabi,+
Lamacebo abo yiwo owalandelayo.
Ngakho ngizakwenza ube yinto eyesabekayo,
Izakhamizi zakho zizakuba yinhlekisa,+
Zizachothozwa ngabantu bezinye izizwe.”+
7 Maye babo! Sengifanana lomuntu othi
Ephuma esiyabutha izithelo zehlobo
Lamagilebisi asele kuvunwa
Athole kungela lelilodwa ilixha lamagilebisi angalidla,
Ngitsho lesisodwa isithelo sokuqala somkhiwa asikhanukayo.
Bonke bayacathama ukuze bachithe igazi.+
Umuntu ngamunye uzingela umfowabo ngomambule.*
3 Bazingcitshi zokwenza okubi ngezandla zabo,+
Umkhokheli ufuna izinto ngenkani,
Umahluleli ufuna ukubhadalwa,+
Isikhulu sibatshela esikufunayo,+
Besebekwenza bendawonye.
4 Ongcono wabo unjengameva,
Lalowo okuthiwa uthembeke ukwedlula bonke, mubi ukwedlula uthango lwameva.
Luyeza usuku abalindi bakho abakhuluma ngalo, usuku lokwahlulelwa kwakho.+
Bazaswela lokuthi babambe ngaphi.+
5 Ungabeki ithemba kumakhelwane wakho
Ungamthembi umngane wakho osekhwapheni.+
Nanzelela okutshoyo kulowo oqamela esifubeni sakho.
7 Kodwa mina ngizaqhubeka ngimelele uJehova.+
Ngizamlindela ngesineke uNkulunkulu umsindisi wami.+
UNkulunkulu wami uzangizwa.+
8 Sitha sami ungathabi nxa ngiphakathi kohlupho.
Lanxa ngiwile ngizavuka,
Lanxa ngihlala emnyameni uJehova uzakuba yikukhanya kwami.
9 Ngizalubhensela ulaka lukaJehova
Ngoba ngonile kuye.+
Ngizaqinisela aze alumele udaba lwami njalo angahlulele kuhle.
Uzangiletha ekukhanyeni,
Ngizakubona ukulunga kwakhe.
10 Lesitha sami sizazibonela ngawaso,
Uzayangeka lowo obesithi kimi:
“Ungaphi uJehova uNkulunkulu wakho?”+
Ngizasikhangela isitha sami.
Sizanyathelwa njengodaka olusemigwaqweni.
11 Kuzakuba lusuku lokwakha imiduli yakho yamatshe,
Ngalolosuku umngcele wakho uzakwengezelelwa.
12 Ngalolosuku bazakuza kuwe
Besuka khonale e-Asiriya lasemadolobheni aseGibhithe,
Kusukela eGibhithe kuze kuyebamba emfuleni*
Kusukela elwandle kusiya elwandle, kusukela entabeni kusiya entabeni.+
13 Ilizwe lizasala lingamanxiwa ngenxa yabantu balo,
Ngenxa yalokho abakwenzileyo.*
14 Yelusa abantu bakho ngentonga yakho, umhlambi olilifa lakho,+
Labo ababehlala bodwa eguswini, bephakathi kwesivande.
Kabadle eBhashani laseGiliyadi+ njengakudala.
15 “Njengasezinsukwini abaphuma ngazo elizweni laseGibhithe,
Ngizabatshengisa izinto ezinhle kakhulu.+
16 Lanxa izizwe zilamandla amakhulu zizakubona lokhu ziyangeke.+
Zizavala imilomo yazo ngezandla,
Lendlebe zazo zizavaleka.
17 Zizakhotha uthuli njengezinyoka,+
Ziphume ezinqabeni zazo ziqhuqha njengezinanakazana zomhlaba,
Zizabuya kuJehova uNkulunkulu wethu zithuthumela,
Zizakwesaba ngenxa yakhe.”+
Kasoze azonde kokuphela,
Ngoba kuyamthokozisa ukuba lothando oluqotho.+
19 Uzaphinda asizwele isihawu,+ uzazinqoba* iziphambeko zethu.
Aphosele zonke izono zabo enzikini yolwandle.+
20 Uzatshengisa ukuthi uthembekile kuJakhobe,
Abe lothando oluqotho ku-Abrahama,
Njengoba wafunga kubokhokho bethu ezinsukwini zasendulo.+
Leli libizo elifitshaniswe kwelithi Mikhayeli (elitsho ukuthi, “Ngubani onjengoNkulunkulu?”) kumbe kwelithi Mikhaya (elitsho ukuthi, “Ngubani onjengoJehova?”).
Kumbe, “endlini ka-Afira.”
Ibala lesiHebheru elisetshenziswe lapha lingatsho lokhozi.
Kumbe, “ukulethela imuli le.”
Kumbe, “abahamba ngobuqotho.”
Kumbe, “Nxa belume ngamazinyo.”
Ngezikhathi zeBhayibhili ukuvala umlomo kwakuyisenzo esitshengisa ukuthi umuntu uyangekile.
Kumbe, “isiliva.”
NgesiHebheru, “yendlu.”
Kumbe, “Ekucineni kwezinsuku.”
Kumbe, “Umlayo.”
Kumbe, “Aqondise izinto.”
NgesiHebheru, “umlomo kaJehova wamabutho usukhulumile.”
Khangela iNgcazelo Yamabala.
Kumbe, “kwezizwana.”
Kumbe, “amakhosana.”
Khangela iNgcazelo Yamabala.
Kumbe, “wahlulele kuhle.”
Kumbe, “ube lomusa lothando oluqotho.” NgesiHebheru, “uthande uthando oluqotho.”
Kumbe, “Abalokuhlakanipha okuncedayo.”
Khangela iSengezo ku-B14.
Kumbe, “elingagcwalanga.”
Kumbe, “setshabalele.”
Kumbe, “ngenethi.”
Kumbe, “abendlu yakhe.”
Lapha kutshiwo umfula uYufrathe.
NgesiHebheru, “Ngenxa yezithelo zezenzo zabo.”
Kumbe, “uzazinyathelela phansi.”