UZEFANIYA
1 Nanti ilizwi likaJehova elafika kuZefaniya* indodana kaKhushi, indodana kaGedaliya, indodana ka-Amariya, indodana kaHezekhiya ngesikhathi uJosiya+ indodana ka-Amoni+ eyinkosi yakoJuda:
2 “Ngizathanyela ngiqede konke okusemhlabeni,” kutsho uJehova.+
3 “Ngizatshabalalisa abantu lezinyamazana,
Ngitshabalalise izinyoni lenhlanzi zolwandle,+
Lezinto ezikhubayo*+ kanye lalabo abenza okubi,
Ngizasusa abantu emhlabeni,” kutsho uJehova.
4 “Ngizakwelula isandla sami simelane loJuda
Labo bonke abahlala eJerusalema,
Ngizasusa konke okukaBhali+ okuseleyo endaweni le,
Lebizo labaphristi babonkulunkulu bezizweni kanye labaphristi bamanga,+
5 Lalabo abakhothama bephezu kwezindlu bekhonza ibutho elisemazulwini,+
Labakhothama befunga ukuthi baqotho kuJehova,+
Ngapha befunga lokuthi baqotho kuMalikhamu,+
6 Lalabo abaphambukayo bayekele ukulandela uJehova+
Labangamdingiyo uJehova, labangabuziyo kuye.”+
7 Thula phambi kweNkosi Enkulu uJehova ngoba usuku lukaJehova luseduze.+
UJehova uselungise umhlatshelo, usebangcwelisile labo abanxusileyo.
8 “Ngosuku lomhlatshelo kaJehova ngizakwahlulela* izikhulu,
Lamadodana enkosi+ kanye labo bonke abagqoke izigqoko zezizweni.
9 Ngalelolanga ngizakwahlulela* bonke abama phambi kwesihlalo sobukhosi,*
Abagcwalisa indlu yenkosi yabo ngodlakela lobuqili.
10 Ngalolosuku,” kutsho uJehova,
“Kuzazwakala umsindo wokukhala egedini lenhlanzi,+
Lomkhosi esigabeni esitsha sedolobho,+
Lomsindo omkhulu wokufohloza ozavelela emaqaqeni.
11 Hlabani umkhosi zakhamizi zeMakhitheshi,*
Ngoba bonke abathengisayo sebebhuqwe baphela,*
Bonke abakala isiliva babhujisiwe.
12 Ngalesosikhathi ngizahlolisisa iJerusalema ngezibane,
Ngizajezisa bonke abanganaki lutho abathi enhliziyweni zabo,
‘UJehova kasoze enze okuhle njalo kasoze enze okubi.’+
13 Bazathathelwa inotho yabo lezindlu zabo zidilizwe.+
Bazakwakha izindlu kodwa abasoze bahlale kuzo,
Bazahlanyela amasimu amagilebisi kodwa kabasoze balinathe iwayini lawo.+
14 Usuku olukhulu lukaJehova seluseduze!+
Seluseduze futhi luza ngokuphangisa okukhulu!*+
Umsindo wosuku lukaJehova uyesabeka.+
Ngalelolanga iqhawe lizahlaba umkhosi.+
15 Lolosuku lusuku lolaka,+
Usuku lokuhlupheka losizi,+
Usuku lwesiphepho lokubhidlika,
Usuku lobumnyama obukhulu,+
Usuku lwamayezi lomnyama owesabekayo,+
16 Usuku lokukhala kophondo kanye lomsindo wokuhlasela kwempi,+
Emadolobheni avikelwe ngemiduli lasemiphotshongweni esemakhoneni.+
18 Isiliva sabo legolide labo akusoze kubavikele ngosuku lolaka lukaJehova,+
Umhlaba wonke uzaqothulwa yikuvutha kolaka lwakhe,*+
Ngoba bonke abahlala emhlabeni uzabatshabalalisa ngendlela eyesabekayo.”+
2 Kungakenzakali lokho okumisiweyo,
Usuku lungakedluli njengomule,
Ulaka lukaJehova oluvuthayo lungakehleli kini,+
Usuku lwentukuthelo kaJehova lungakafiki kini,
3 Dingani uJehova+ lina lonke abamnene* abasemhlabeni,
Abalandela imilayo yakhe elungileyo,*
Dingani ukulunga, dingani ubumnene,*
4 IGaza izakuba lidolobho elideliweyo,
Le-Ashikheloni izakuba lunxiwa.+
I-Ashidodi izaxotshwa emini libalele,
I-Ekhroni yona izasitshunwa.+
5 “Maye kwabahlala ekhunjini lolwandle, isizwe samaKherethi!+
Ilizwi likaJehova limelane lani.
Wena Khenani, lizwe lamaFilisti, ngizakubhidliza,
Kungasali loyedwa ohlala kuwe.
6 Ekhunjini lolwandle kuzakuba ngamadlelo,
Kube lemithombo yabelusi lezibaya zezimvu ezakhiwe ngamatshe.
7 Kuzakuba yindawo yabaseleyo bendlu yakoJuda,+
Yikho abazathola khona amadlelo.
Kusihlwa bazalala ezindlini zase-Ashikheloni.
8 “Ngikuzwile ukuchothoza kwabakoMowabi+ lokuthuka kwabako-Amoni,+
Abathethise abantu bami njalo bazikhukhumeza ngendawo yabo.+
9 Ngakho ngifunga ngokuphila kwami,” kutsho uJehova wamabutho, uNkulunkulu ka-Israyeli,
“IMowabi izakuba njengeSodoma,+
Labako-Amoni bazakuba njengeGomora,+
Indawo egcwele ukhula oluhlabayo, igodi lesawudo, indawo eyachithwa kokuphela.+
Bazathunjwa ngabantu bami abaseleyo,
Bathathelwe ilifa ngabaseleyo besizwe sami.
10 Lokhu yikho abazakuthola ngenxa yokuzigqaja kwabo,+
Ngoba baziphakamisile njalo bathuka abantu bakaJehova wamabutho.
11 UJehova uzakwesabeka kubo,
Ngoba uzatshabalalisa bonke onkulunkulu basemhlabeni,
Izizwe ezihlala ezihlengeni zizamkhothamela,*+
Sinye ngasinye sisendaweni yaso.
12 Lani bantu baseTopiya lizabulawa ngenkemba yami.+
13 Uzakwelulela isandla sakhe enyakatho abhidlize i-Asiriya,
Enze iNiniva ibe lunxiwa+ njalo yome njengenkangala.
14 Imihlambi izalala phakathi kwayo, layo yonke imihlobo yezinyamazana zeganga.
Iphelikheni* lenungu* kuzalala ezinsikeni zesigodlo sayo.
Ilizwi lizahlabela ewindini.
Izitubhu zizabhidlika,
Uzatshiya amapulanka emisedari esegcekeni.
15 Leli yilo idolobho ebelizigqaja lihlezi livikelekile,
Ebelisithi enhliziyweni yalo, ‘Ngiyimi, kakho omunye ngaphandle kwami.’
Bonke abalibonayo basala bengelankani,
Izinyamazana zeganga sezilala kulo!
Wonke umuntu odlula kulo uzatshaya umlozwi futhi aphakamise inqindi.”+
3 Maye kulo idolobho elihlamukayo, elingcolileyo futhi elicindezelayo!+
2 Elingalaleliyo,+ elingavumiyo ukulaywa.+
Kalimthembanga uJehova,+ kalisondelanga eduze loNkulunkulu walo.+
3 Izikhulu eziphakathi kwalo ziyizilwane ezibhongayo.+
Abahluleli balo ngamaganyana azingela ebusuku,
Kabatshiyi ngitsho lelilodwa ithambo abangalikhukhuza ekuseni.
4 Abaphrofethi balo bayiziqholo, bangamadoda angamaqili.+
5 UJehova ulungile phakathi kwalo,+ kenzi okubi.
Nsuku zonke ekuseni wenza izahlulelo zakhe zaziwe,+
Njalo kaziphuthi njengokukhanya kwelanga.
Kodwa ongalunganga kalanhloni.+
6 “Ngatshabalalisa izizwe, imiphotshongo yazo esemakhoneni yasala idilikile.
Ngadiliza imigwaqo yazo, kwasala kungelamuntu odlula kuyo.
Amadolobho azo asala engamanxiwa, kungelamuntu ohlala kuwo.+
7 Ngathi kulo idolobho, ‘Uzangesaba sibili, uvume ukulaywa,’*+
Ukuze indawo yakho yokuhlala ingabhujiswa.+
Ngizakwahlulela* ngenxa yezinto zonke lezi.
Kodwa bonke babezimisele ukuqhubeka besenza okubi.+
8 ‘Ngakho hlalani lingilindele,’*+ kutsho uJehova,
‘Kuze kufike usuku engizasukuma ngalo ngithumbe impahla,*
Ngoba sengizimisele ukuthi ngiqoqe izizwe ngibuthanise lemibuso,
Ukuze ngehlisele intukuthelo yami phezu kwazo, lonke ulaka lwami oluvuthayo,+
9 Ngalesosikhathi ngizatshintsha ulimi lwabantu lube lulimi oluhlambulukileyo,
Ukuze bonke babize ibizo likaJehova,
10 Kusukela esabelweni esisemifuleni yaseTopiya,
Labo abangincengayo, abasabaleleyo bami bazaletha isipho kimi.+
11 Ngalelolanga awusoze uyangiswe
Ngenxa yakho konke owakwenzayo ungihlamukela,+
Ngalesosikhathi ngizasusa abazikhukhumezayo abaphakathi kwakho,
Awusoze uphinde uziphakamise entabeni yami engcwele.+
12 Abantu abathobekileyo labazehlisayo yibo abazasala phakathi kwakho,+
Njalo bazaphephela ebizweni likaJehova.
13 Abako-Israyeli abaseleyo+ abasoze benze okungalunganga,+
Kabasoze baqambe amanga futhi kabasoze baqile muntu ngemilomo yabo;
Bazakudla balale phansi njalo kakho ozabenza besabe.”+
14 Memeza ngentokozo, awu ndodakazi yaseZiyoni!
Memeza ngenjabulo awu Israyeli!+
Thaba ujabule ngenhliziyo yakho yonke wena ndodakazi yaseJerusalema!+
15 UJehova usesisusile isigwebo sakho.+
Useziphambulile izitha zakho.+
UJehova iNkosi yako-Israyeli ulawe.+
Awusoze uphinde wesabe ukwehlelwa ngokubi.+
16 Ngalelolanga kuzathiwa ngeJerusalema:
“Ungesabi awu Ziyoni.+
Ungavumeli izandla zakho ziphele amandla.
17 UJehova uNkulunkulu wakho ulawe.+
Yena olamandla amakhulu uzakusindisa.
Uzakuthabela ngentokozo enkulu.+
Uzasuthiseka* ngoba uyakuthanda.
Uzajabula ngawe, amemeze ngentokozo.
18 Ngizabuthanisa ndawonye bonke abadaniswe yikungabi khona emikhosini yakho,+
Bebengekho kuwe ngoba bebethwele ihlazo lakho.+
19 Ngalesosikhathi ngizabathathela inyathelo bonke abakuthwalise nzima,+
Ngizasindisa oqhulayo,+
Ngibuthanise ndawonye abasabaleleyo.+
Ngizabenza babatshazwe njalo babe lodumo*
Kuwo wonke amazwe ababeyangiswa kuwo.
20 Ngalesosikhathi ngizaliletha ekhaya,
Lapho sengiliqoqela ndawonye.
Ngizalenza libatshazwe njalo libe lodumo*+ ebantwini bonke abasemhlabeni,
Lizazibonela ngawenu lapho sengibuyisela bonke abathunjiweyo benu,” kutsho uJehova.+
Ibizo leli litsho ukuthi, “Lowo ofihlwe nguJehova.”
Lapha kungabe kutshiwo izinto kumbe imisebenzi ephathelane lokukhonza izithombe.
Kumbe, “ngizajezisa.”
Kumbe, “ngizajezisa.”
Kumbe, “eplathifomu.” Kungabe kuyiplathifomu eyayilapho okwakulesihlalo sobukhosi.
Kungenzakala ukuthi indawo le yayiphakathi kweJerusalema eduze legedi lenhlanzi.
NgesiHebheru, “bathulisiwe.”
Kumbe, “ngesiphangiphangi.”
NgesiHebheru, “Lamathumbu abo.”
NgesiHebheru, “ngomlilo wokutshiseka kwakhe.”
Kumbe, “abathobekileyo.”
NgesiHebheru, “isahlulelo sakhe.”
Kumbe, “ukuthobeka.”
Kumbe, “lizacatshiswa.”
Kumbe, “uzabanakekela.”
Kumbe, “zizamkhonza.”
Le yinyoni enkulu elomlomo omude.
Inungu yinyamazana yeganga elensiba ezihlabayo.
Kumbe, “ukukhuzwa.”
Kumbe, “Ngizakujezisa.”
Kumbe, “lingilindele ngesineke.”
Ezinye inguqulo zithi, “engizasukuma ngalo ngifakaze.”
NgesiHebheru, “ngumlilo wokutshiseka kwami.”
NgesiHebheru, “ngahlombe linye.”
Kumbe, “Uzachelesa.”
NgesiHebheru, “lebizo.”
NgesiHebheru, “lebizo.”