Isethulo

LELI libhuku elilezindaba eziliqiniso. Zithethwe eBhayibhilini, okulibhuku elimangalisa ukudlula wonke emhlabeni. Izindaba lezi zikunika imbali yomhlaba eqalisa kusukela uNkulunkulu eqalisa ukudala kuze kufike esikhathini sethu lamuhla. Ziyasitshela lokuthi uNkulunkulu uthembisa ukwenzani esikhathini esizayo.

Ibhuku leli likwenza uzwisise ukuthi iBhayibhili limayelana ngani. Lisitshela ngabantu abaseBhayibhilini langezinto abazenzayo. Litshengisa lethemba elihle uNkulunkulu alinike abantu. Ithemba leli ngelokuphila okungapheliyo.

Kulezindaba ezingu-116 ebhukwini leli. Ziqoqwe zaba yizingxenye ezingu-8. Ikhasi elisekuqaliseni kwengxenye ngayinye lisitshela okutholakala engxenyeni yona leyo. Izindaba zakhona zifakwe ngokulandelana kwazo embalini. Lokhu kukunceda ukuthi wazi ukuthi izinto zenzakala nini embalini nxa kukhangelwe ezinye izenzakalo.

Izindaba zakhona zibhalwe ngolimi olulula. Lina bantwana abancane lizenelisa ukuzibalela izindaba lezi. Lani bazali lizabona ukuthi abantwana benu abancane bazathanda ukubalelwa izindaba lezi kanenginengi. Uzabona ukuthi ibhuku leli lihle kakhulu ebadaleni lasebantwaneni.

Kulamavesi eBhayibhili afakwe ekucineni kwendaba ngayinye. Liyakhuthazwa ukuthi libale amavesi la, okulapho okuthethwe khona izindaba ezisebhukwini leli.