Kusukela eNkosini yama-Israyeli Yakuqala Kusiya Ekuthunjweni eBhabhiloni

USawuli waba yinkosi yama-Israyeli yokuqala. Kodwa uJehova wamsusa wasefaka uDavida ukuthi abe yinkosi. Sifunda izinto ezinengi ngoDavida. Esesemncane walwa leqhawe okwakuthiwa nguGoliyathi. Ngemva kwesikhathi, wabalekela iNkosi uSawuli eyayilomhawu. U-Abhigeli, umfazi omuhle wekelisa uDavida ukwenza into engelangqondo.

Sifunda izinto ezinengi ngomntakaDavida uSolomoni. Yena waba yinkosi yama-Israyeli ngemva kukaDavida. Inkosi ngayinye emakhosini amathathu akuqala ama-Israyeli yabusa okweminyaka engu-40. Ngemva kokufa kukaSolomoni, u-Israyeli wahlukaniswa waba yimibuso emibili, umbuso wasenyakatho lowaseningizimu.

Umbuso wasenyakatho owezizwe ezingu-10 wahlala okweminyaka engu-257 ungakabhidlizwa ngama-Asiriya. Umbuso wasenyakatho owezizwe ezimbili lawo wabhidlizwa ngemva kweminyaka eyalandelayo engu-133. Ngemva kwalokho ama-Israyeli athunjelwa eBhabhiloni. Ingxenye 4 ikhuluma ngokwenzakala eminyakeni engu-510. Sizafunda ngezinto ezinengi ezijabulisayo ezenzakala ngalesosikhathi.