Isethulo

Kuwe Mfundi Othandekayo:

Uzizwa useduze loNkulunkulu yini? Abantu abanengi bakubona kungeke kwenzakale lokho. Abanye bacabanga ukuthi ukhatshana kakhulu njalo abanye babona angani ngeke bafa baba ngabangane bakhe. Kodwa iBhayibhili lithi: “Sondelani kuNkulunkulu laye uzasondela kini.” (UJakhobe 4:8) UNkulunkulu usenza sibe leqiniso lokuthi lokhu kungenzakala. Uthi: “Mina Jehova, uNkulunkulu wakho, ngibambe isandla sakho sokudla, ngithi kuwe, ‘Ungesabi. Ngizakunceda.’”—U-Isaya 41:13.

Kuyini esingakwenza ukuze sibe ngabangane bakaNkulunkulu? Abantu esikhetha ukuba ngabangane babo ngabantu esibaziyo futhi esithanda ubuntu babo. Ngakho kuqakathekile ukufunda ngobuntu bukaNkulunkulu langendlela enza ngayo izinto. Ukucabangisisa ngendlela uJehova atshengisa ngayo ubuntu bakhe, ukubona indlela uJesu Khristu amlingisela ngayo uJehova lokuhlola ukuthi thina singamlingisela njani kuzasisondeza kuNkulunkulu. Sizabona ukuthi uJehova nguye ofanele ukubusa umhlaba wonke lokuthi sonke siyamdinga uBaba onjalo. Ulamandla, ulungile, ulenhlakanipho, ulothando njalo kabalahli abantwabakhe abathembekileyo.

Sengathi ibhuku leli lingakunceda ukuthi usondele kuJehova uNkulunkulu njalo ube ngumngane wakhe ukuze umdumise kuze kube nini lanini.